الماتىدا سۋبۇرقاقتار ماۋسىمى اياقتالدى، ماماندار كۇزگى-قىسقى كەزەڭدە قۇرىلىستاردى كونسەرۆاسيالاۋ بويىنشا جۇمىس جۇرگىزدى، دەپ حابارلايدى Almaty-akshamy.kz
وسى جۇمىستار بارىسىندا سۋبۇرقاقا نىساندارىنداعى سۋ اعىزىلدى، توستاعاندار مەن قۇبىر جۇيەلەرى تازارتىلدى، ءتيىستى جابدىقتار شىعارىلدى، ولاردى قىس مەزگىلىندە كەلەسى جۇمىسقا دايىنداۋ جوسپارلانۋدا. سۋبۇرقاقتار ءداستۇر بويىنشا مامىر ايىنان باستاپ جۇمىس ىستەيدى.
قازىرگى ۋاقىتتا الماتى قالاسىنىڭ ەكولوگيا جانە قورشاعان ورتا باسقارماسى 24 سۋبۇرقاقتى رەكونسترۋكسيالاۋ جوباسىن ازىرلەۋدە.
«ءبىز قالانىڭ كوممۋنالدىق مەنشىگىندەگى رەكونسترۋكسيالاناتىن سۋبۇرقاقتاردىڭ ءتىزىمىن جاسادىق. بۇلار- ساس اتىنداعى بالالار مەن جاسوسپىرىمدەر تەاترى، سيرك، رەسپۋبليكا الاڭى قارسىسىنداعى قالا اكىمدىگى، جامبىل ەسكەرتكىشى مەن مەدەۋ بسك جانىنداعى سۋبۇرقاقاتار.قىزمەت كورسەتۋمەن «Eco Almaty» ج ش س اينالىسادى. جوبا 2024 جىلى جۇزەگە اسىرىلادى»، - دەدى الماتى قالاسى ەكولوگيا جانە قورشاعان ورتا باسقارماسىنىڭ جايلى قالالىق ورتا ءبولىمىنىڭ باسشىسى ەرنار بوكەشوۆ.
ايتا كەتەرلىگى، 150 سۋبۇرقاق جۇمىس ىستەيدى، ونىڭ 65 – ءى قالا بالانسىندا، قالعاندارى-جەكەنىكى. اعىمداعى جىلى «سولتۇستىك» سكۆەرىندەگى قبتۋ عيماراتىنىڭ ارتىنداعى سۋبۇرقاق قايتا جاڭارتىلدى. وتكەن جىلى وقۋشىلار سارايىنىڭ الدىندا «قۇرعاق» سۋبۇرقاق اشىلدى، سونداي-اق 2023 جىلدىڭ سوڭىنا دەيىن «اۋەجاي داڭقى» ساياباعىندا «قۇرعاق» سۋبۇرقاق اشۋ جوسپارلانۋدا.