1 مامىردا الماتى قالاسىندا 60 سۋبۇرقاق ىسكە قوسىلادى. قالا بالانسىندا بارلىعى 66 سۋبۇرقاق بار، ونىڭ 6-ىن قايتا جاڭعىرتۋدا («ودۋۆانچيك»، «اققۋ»، «قىزعالداق» سۋبۇرقاقتارى، م. اۋەزوۆ قازاق ۇلتتىق دراما تەاترىنىڭ الدىندا.. ءال-فارابي اتىنداعى قازۇۋ جانە ق ر مەملەكەتتىك مۇراجايى).
«الماتى – ءبىزدىڭ ورتاق ءۇيىمىز» ناۋقانى اياسىندا سۋبۇرقاقتاردىڭ توستاعاندارى، تۇپتەرى، قابىرعالارى تازارتىلىپ، گرانيت پليتالارىن قالپىنا كەلتىرۋ بويىنشا دايىندىق جۇمىستارى جۇرگىزىلدى. ماماندار سۋبۇرقاقتاردىڭ ساندىك ەلەمەنتتەرىن بويادى، ەلەكتر جابدىقتارى مەن سورعىلارىنا، ەلەكتر ەنەرگياسىنىڭ ينجەنەرلىك جەلىلەرىنە، سۋىق سۋمەن جابدىقتاۋعا جانە كارىزگە ريەۆيزيا جۇرگىزدى. كوممۋنالدىق قىزمەتتەردى جەتكىزۋشىلەرمەن سۋمەن جابدىقتاۋ جانە ەلەكترمەن جابدىقتاۋ جۇيەلەرى قايتا كونسەرۆاسيالاندى. دايىندىق جۇمىستارى بارىسىندا اۆاريالىق ۋچاسكەلەر انىقتالدى، قازىرگى ۋاقىتتا ينجەنەرلىك سۋمەن جابدىقتاۋ جانە ەلەكترمەن جابدىقتاۋ جەلىلەرىن قالپىنا كەلتىرۋ جۇمىستارى اياقتالۋدا.
ەستەرىڭىزگە سالا كەتەيىك، 8 ساۋىردەن 8 مامىرعا دەيىن «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر، ونىڭ اياسىندا قالادا جانە تاۋلار، وزەندەر مەن كولدەر اۋماعىندا قوقىستاردان تازارتۋ، اعاشتاردى، گۇلدەر مەن بۇتالاردى جاپپاي وتىرعىزۋ، عيماراتتاردىڭ قاسبەتتەرىن جۋۋ، شاعىن ساۋلەت نىساندارىن، قورشاۋلاردى، بالالار ءجان سپورت الاڭدارى جوندەلىپ، اينالا اباتتاندىرىلۋدا.
ءاربىر الماتىلىق قالانىڭ تازالىعى مەن يگىلىگىنە ۇلەس قوسا الادى. تولىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. ۆەب-سايتقا قالا بويىنشا ورنالاستىرىلعان باننەرلەر، پوستەرلەر مەن افيشالارداعى ارنايى QR-كود ارقىلى كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.