پوليسەيلەر الماتىداعى بازارلارعا تەكسەرىس جۇرگىزدى.
جەرگىلىكتى رەيدتەردىڭ ماقساتى – زاڭسىز كوشى-قون ارنالارىن، شەتەلدىك جۇمىس كۇشىن تارتۋ ەرەجەلەرىن بۇزۋ- ءبىر سوزبەن ايتقاندا، قازاقستان رەسپۋبليكاسىنىڭ كوشى-قون زاڭناماسىن بۇزۋ دەرەكتەرىن انىقتاۋ، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وتكەن دەمالىس كۇندەرى ءبىزدىڭ بولىمشە قىزمەتكەرلەرى 22 بازاردى تەكسەردى، ناتيجەسىندە 81 شەتەلدىك انىقتالدى، ولاردىڭ 63-ىندە جەكە باسىن كۋالاندىراتىن قۇجاتتارى جوق. قۇقىق بۇزۋشىلارعا قاتىستى اكىمشىلىك ءىس ماتەريالدارى جيناقتالدى. ولاردىڭ جەتەۋى سوت شەشىمىمەن مەملەكەتىمىزدەن شىعارىلدى. سونىمەن قاتار وزدەرى شاقىرعان شەتەلدىك ازاماتتاردىڭ قازاقستان رەسپۋبليكاسىندا زاڭدى بولۋىن قامتاماسىز ەتپەگەن 24 جەكە جانە زاڭدى تۇلعاعا اكىمشىلىك شارا قولدانىلدى»، – دەدى الماتى قالالىق پوليسيا دەپارتامەنتى كوشى-قون قىزمەتى باسقارماسىنىڭ باسشىسى اسحات بۋتۋنچينوۆ.