الماتى پوليسياسى 32 ملن تەڭگەدەن استام قارجىنى جىمقىرعان الاياقتى ۇستادى.
ول الەۋمەتتىك جەلىدە ناۋقاس بالالاردىڭ سۋرەتىن جاريالاپ، ازاماتتاردان اقشا جيناعان، دەپ حابارلايدى aqshamnews.kz Polisia.kz-كە سىلتەمە جاساپ.
پوليسيا قىزمەتكەرلەرى شىمكەنت قالاسىنىڭ تۇرعىنىن ۇستادى. ول تالعار اۋدانىنداعى بالالاردىڭ ەمىنە قاراجات جيناۋعا كومەك كورسەتۋ سىلتاۋىمەن Instagram الەۋمەتتىك جەلىسىندە پاراقشا اشقان. – الاياق الەۋمەتتىك جەلىدە ونكولوگيالىق اۋرۋمەن اۋىراتىن بالالاردىڭ سۋرەتتەرىن پايدالانىپ، جالعان بانك كارتاسىنىڭ دەرەكتەمەلەرىن ورنالاستىرعانى انىقتالدى. ىزدەۋ جۇمىستارىنىڭ ناتيجەسىندە ءبىز كۇدىكتىنى، ياعني شىمكەنت قالاسىنىڭ تۇرعىنىن انىقتادىق. ءقازىر 32 ميلليون تەڭگەدەن استام سوماعا باستاپقى شوتقا 6 مىڭعا جۋىق اقشا اۋدارىمى جاسالعانى انىقتالدى، – دەپ مالىمدەمە بەردى الماتى وبلىسى پد.
الاياقتىق فاكتىسى بويىنشا قىلمىستىق ءىس قوزعالدى. كۇدىكتى قاماۋعا الىندى. ونىڭ وسىعان ۇقساس باسقا دا قىلمىسقا قاتىسى بار-جوعى تەكسەرىلىپ جاتىر.
اقپارات كوزى Polisia.kz سايتىندا: https://polisia.kz/alayaq-nauqas-balalardyng-emine-zhinalghan-32-mln-tenggeni-qaltagha-basqan/