الماتىدا 27 قازاندا تۇنگى ساعات 3-تەن باستاپ جاڭبىر جاۋا باستادى، ول 28 قازان كۇنگى كەشكى ساعات 5-كە دەيىن جالعاسادى.
قالادا 12 مم جاۋىن-شاشىن، كامەنسكوە پلاتودا 23 مم جاۋىن-شاشىن بولدى.
28 قازانداعى جاعداي بويىنشا الماتىدا قازان ايىندا 61 مم ءتۇستى، ايلىق نورماسى 50 مم، بۇل 122%-دى قۇرايدى.
تج-دىڭ جەدەل كەزەكشىسىنىڭ اقپاراتى بويىنشا باسىپ قالۋ فاكتىسى تىركەلگەن جوق.
ىقتيمال سۋ باسىپ قالۋدىڭ الدىن الۋ جانە جويۋ ماقساتىندا موتوپومپالارمەن، باگرالارمەن جانە باسقا دا قاجەتتى قۇرالدارىمەن جابدىقتالعان 42 جەدەل ءموبيلدى بريگادانىڭ كەزەكشىلىگى ۇيىمداستىرىلدى. ارىق وتكەلدەرىندەگى كەزدەيسوق قوقىستاردىڭ بارلىق كەپتەلىستەرى 15-20 مينۋت ىشىندە جويىلادى.
470 بىرلىك ارنايى تەحنيكا مەن 1020 جول جۇمىسشىسى جۇمىلدىرىلدى، 2،1 مىڭ قاپ قۇم دايىندالدى.
«قازگيدرومەت» رمك اقپاراتى بويىنشا بۇگىن كەشكە دەيىن قالادا 8 مم-گە دەيىن جاڭبىر جاۋادى، ساعات 11-گە دەيىن قاتتى جاۋىن بولادى، كەيىن بىرتىندەپ باسەڭدەي. تاۋلارعا قار تۇسەدى. سولتۇستىك-شىعىس جەل 3-8 م/س. اۋا تەمپەراتۋراسى +6...+ 8°س.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى