2025 جىلدىڭ 1 قاڭتارىنان باستاپ قازاقستاندا ونلاين ميكروكرەديت راسىمدەۋ كەزىندە بيومەتريالىق سايكەستەندىرۋ مەن ەلەكتروندىق سيفرلىق قولتاڭبانى قاتار قولدانۋ مىندەتتى بولادى، دەپ حابارلايدى aqshamnews.kz.
بۇل تۋرالى ۇلتتىق بانك ءتوراعاسى تيمۋر سۇلەيمەنوۆ دەپۋتاتتىق ساۋالعا جاۋاپ رەتىندە مالىمدەدى. ونىڭ ايتۋىنشا، ميكروقارجىلىق ۇيىمدار اقشا اۋدارىمىن جاساۋ الدىندا كليەنتتىڭ بانكتىك شوتى نەمەسە تولەم كارتاسىنىڭ وعان تيەسىلى ەكەنىن انىقتاۋى كەرەك.
جالپى، بانكتەر مەن ميكروقارجىلىق ۇيىمدارعا كەمىندە ەكى تەكسەرۋ ءادىسىن – بيومەتريا مەن ەسق قولدانۋ تالاپ ەتىلەدى. سونىمەن قاتار، بانكتەر تولەمدەر مەن اۋدارىمدار جاساعان كەزدە كليەنتكە ونىڭ ۇيالى نومىرىنە تەكسەرۋ كودىن جىبەرۋدى قامتاماسىز ەتەدى.
ۇلتتىق بانك ونلاين-كرەديت راسىمدەۋ كەزىندە ءوتىنىمدى ماقۇلداۋدى كەم دەگەندە كەلەسى كۇنى جۇرگىزۋدى ۇسىنادى، بۇل "سالقىنداتۋ" كەزەڭىن ەنگىزەدى، وسىلايشا كليەنتكە الاياقتار تاراپىنان ماجبۇرلەنگەن كرەديتتەن باس تارتۋ مۇمكىندىگى بەرىلەدى. ۇلتتىق بانك باسشىسى ازاماتتاردىڭ نەسيە الۋدان ءوز ەركىمەن باس تارتۋ قۇقىعى بار ەكەنىن ەسكە سالدى. قازىرگى تاڭدا بۇل مۇمكىندىكتى شامامەن 700 مىڭ قازاقستاندىق پايدالاندى.