ورىن العان نەمەسە دايىندالىپ جاتقان تەرروريزم اكتىسى جونىندە بەلگىلى بولعان جاعدايدا دەرەۋ قۇقىق قورعاۋ ورگاندارىنا حابار بەرۋ – ءاربىرىمىزدىڭ ازاماتتىق مىندەتىمىز بولسا، قازاقستان رەسپۋبليكاسىنىڭ قىلمىستىق كودەكسىنىڭ 273-بابىنا سايكەس ول جونىندە جالعان حابار بەرۋ – قىلمىس، زاڭمەن جازالانادى.
تەرروريزم اكتىسىنىڭ ورىن العانى نەمەسە دايىندالىپ جاتقانى تۋرالى اقپاراتتى قۇقىق قورعاۋ ورگاندارىنا ۋاقىتىلى حابارلاۋ – ءار ازاماتتىڭ مىندەتى. الايدا، وسىنداي وقيعا تۋرالى جالعان مالىمەت بەرۋ – زاڭ بۇزۋشىلىق بولىپ تابىلادى جانە قىلمىستىق جاۋاپكەرشىلىككە تارتىلادى.
سوڭعى جىلدارى ەلىمىزدە كوپشىلىك جينالاتىن ورىنداردا، اتاپ ايتقاندا، اۋەجايلار، تەمىرجول ۆوكزالدارى، ساۋدا ورتالىقتارى جانە باسقا دا الەۋمەتتىك نىسانداردا جارىلعىش قۇرىلعىلار ورناتىلعانى تۋرالى جالعان حابارلامالار ازايا باستاعان.
جالعان اقپارات بەرۋشىلەردىڭ ەڭ ۇلكەن قاتەلىگى – وزدەرىن ەشكىم تابا المايدى دەپ ويلاۋى. قازىرگى ۋاقىتتا قۇقىق قورعاۋ ورگاندارىندا قوڭىراۋ شالۋشىنىڭ ورنالاسقان جەرىن تەز انىقتاپ، ونى جاۋاپقا تارتۋعا بارلىق تەحنيكالىق مۇمكىندىكتەر بار.
جارىلعىش قۇرىلعى تۋرالى حابار تۇسكەن كەزدە جەدەل قىزمەتتەر دەرەۋ قاۋىپسىزدىك شارالارىن قابىلداپ، ىزدەستىرۋ وپەراسيالارىن جۇرگىزەدى.
تەلەفون تەرروريزمىنىڭ سەبەپتەرى ءارتۇرلى: ادەيى بۇزاقىلىقتان باستاپ جاۋاپسىز ازىلدەرگە دەيىن. مىسالى، اۋەجايلاردا كەيبىر جولاۋشىلار تەكسەرۋ كەزىندە "جۇك ىشىندە نە بار؟" دەگەن سۇراققا "بومبا" نەمەسە "گراناتا" دەپ قالجىڭداپ جاتادى. ءبىراق بۇل "ءازىلدىڭ" سالدارى قانشالىقتى اۋىر بولاتىنىن ولار تۇسىنبەيدى.
وسىنداي ءبىر عانا "ءازىل" كوپ كۇش پەن رەسۋرستى جۇمىلدىرۋعا، ادامداردى ەۆاكۋاسيالاۋعا، رەيستەردىڭ توقتاتىلۋىنا نەمەسە كەشىكتىرىلۋىنە الىپ كەلەدى. مۇنداي جاعدايلاردىڭ كوپشىلىگىندە بۇل قىلمىستار ماس كۇيدە جاسالادى، جانە ولاردىڭ سالدارى تۋرالى ويلانبايدى. سوت كەزىندە كىنالىلەر ءوز ارەكەتتەرىنە وكىنەتىنىن ايتۋدا.
ق ر قىلمىستىق كودەكسىنىڭ 273-بابى بويىنشا تەرروريزم اكتىسى تۋرالى جالعان حابارلاۋ ءۇشىن بەس مىڭ ايلىق ەسەپتىك كورسەتكىشكە دەيىن ايىپپۇل سالۋ، تۇزەتۋ جۇمىستارى، بەس جىلعا دەيىن باس بوستاندىعىنان ايىرۋ نەمەسە شەكتەۋ جازاسى قاراستىرىلعان. سونىمەن قاتار، جالعان تەرروريستەر وقيعا ورنىنا جەدەل قىزمەتتەردىڭ شىعىندارىن تولىعىمەن وتەۋگە مىندەتتى.
ق ر ءىىم مالىمەتى بويىنشا، سوڭعى 5 جىلدا جالعان تەرروريزمگە قاتىسى بار دەگەن كۇدىكپەن 290 ادام ۇستالىپ، ونىڭ 258ء-ى قىلمىستىق جاۋاپكەرشىلىككە تارتىلدى.
2023 جىلى الماتى اۋەجايىندا "مينالانعان" دەگەن جالعان حابار ءتۇسىپ، كەيىننەن بۇل قوڭىراۋدىڭ 14 جاستاعى بالا تاراپىنان جاسالعانى انىقتالدى. ءجاسوسپىرىمنىڭ جاۋاپسىز ارەكەتى ءۇشىن ونىڭ اتا-اناسى جاۋاپقا تارتىلدى.
ايتا كەتۋ كەرەك، جالعان تەرروريزم ءۇشىن قىلمىستىق جاۋاپكەرشىلىك 14 جاستان باستالادى.