بۇل تۋرالى وكق بريفينگىندە الماتى اكىمى ەربولات دوسايەۆ جۋرناليستەردىڭ سۇراقتارىنا جاۋاپ بەرە وتىرىپ ايتتى. قازىرگى ۋاقىتتا الماتىدا جاتاقحانالار سالۋ بويىنشا جۇمىستى ءتيىمدى ۇيلەستىرۋ ءۇشىن جوبالىق كەڭسە ىسكە قوسىلدى. جوبالاردى قولداۋعا 114 الەۋەتتى ينۆەستور جۇگىندى.
"بۇگىنگى تاڭدا جۇمىستا 42 452 توسەك-ورىنعا ارنالعان 47 جوبا بار، ونىڭ ىشىندە 33 نىسان 38 740 توسەك-ورىنعا ارنالعان جاڭا جاتاقحانالار سالۋدى، 15 نىسان 3 712 توسەك – ورىنعا ارنالعان جاتاقحانالار رەتىندە بار نىسانداردى قايتا جاڭارتۋدى كوزدەيدى. قالعان 67 ينۆەستوردىڭ جوبالارى بويىنشا جەر ۋچاسكەلەرىن ىزدەۋ جۇمىستارى جۇرگىزىلۋدە"، - دەدى ەربولات دوسايەۆ.
قازىرگى ۋاقىتتا الماتىنىڭ 23 جاتاقحاناسىندا 3،8 مىڭعا جۋىق ستۋدەنت تۇرادى. 2025 جىلدىڭ سوڭىنا دەيىن قالادا 12 مىڭ توسەك-ورىن، ال 2030 جىلدىڭ سوڭىنا دەيىن تاعى 20 مىڭ توسەك – ورىن قۇرىلادى، بۇل جاتاقحانا تاپشىلىعى ماسەلەسىن تولىعىمەن شەشۋگە مۇمكىندىك بەرەدى.
ەسكە سالساق، "ءبىلىم تۋرالى" زاڭعا ەنگىزىلگەن وزگەرىستەرگە سايكەس اعىمداعى جىلدىڭ 1 قىركۇيەگىنەن باستاپ ستۋدەنتتەرگە تۇرعىن ءۇي بەرۋ جانە ولاردى جاتاقحانالارمەن قامتاماسىز ەتۋ بويىنشا بىلىكتىلىك تالاپتارى كۇشەيتىلدى. ەندى جوو-دارى وسى شارتتى ساقتاماسا، وندا ولار ليسەنزياسىنان ايىرىلادى جانە ءبىلىم بەرۋ قىزمەتىن جۇزەگە اسىرا المايدى.