مەملەكەت باسشىسىنىڭ قالا اۋماعىندا 2،5 ملن اعاش وتىرعىزۋ جونىندەگى تاپسىرماسىن ورىنداۋ اياسىندا قالالىق اۋماقتاردى كوگالداندىرۋ بويىنشا ۇلكەن جۇمىستار جۇرگىزىلۋدە. بۇل تۋرالى وكق بريفينگىندە الماتى اكىمى ەربولات دوسايەۆ جۋرناليستەردىڭ سۇراقتارىنا جاۋاپ بەردى.
"جىل باسىنان بەرى الماتىدا جاسىل جەلەكتەردى كۇتىپ ۇستاۋ جانە قورعاۋ ەرەجەلەرى قابىلداندى. سوعان سايكەس كوشەتتەردىڭ بيىكتىگى كەمىندە 2-2،5 م بولۋى ءتيىس. 1 كوشەت وتىرعىزۋعا ارنالعان بيۋدجەت 6 مىڭ تەڭگەدەن 16 مىڭ تەڭگەگە دەيىن ۇلعايتىلدى. بۇل سوماعا جاسىل جەلەكتى ساتىپ الۋ، وتىرعىزۋ جانە ساپالى كۇتىم مەن 3 جىل سۋارۋدى قامتاماسىز ەتۋ كىرەدى"، - دەدى ەربولات دوسايەۆ.
سۋعارۋ ءۇشىن 2022-2023 جىلدارى 34 سۋ جيناۋ قۇرىلىسى سالىندى (سونىڭ ىشىندە 29 ۇڭعىما مەن 5 سۋ جيناۋ)، تامشىلاتىپ سۋارۋ جۇيەسى جۇرگىزىلدى – 200 شاقىرىمنان اسا اۋماق 500 مىڭنان استام اعاشتى قامتيدى.
بيىل الماتىنىڭ كوگالداندىرۋ جوسپارى 320 مىڭ ەكپەنى قۇرايدى. جالپى پايدالانۋ اۋماقتارىندا بارلىعى 2،8 ملن اعاش وسەدى، ونىڭ ىشىندە 79،6 مىڭى – كەسۋگە جاتاتىن اپاتتى جاعدايداعى اعاشتار.