2026-2027 وقۋ جىلىنىڭ باسىندا الماتىدا وقۋشى ورنىنىڭ تاپشىلىعى باسقارىلاتىن دەڭگەيگە دەيىن تومەندەيدى
بۇل تۋرالى وكق بريفينگىندە الماتى اكىمى ەربولات دوسايەۆ جۋرناليستەردىڭ سۇراقتارىنا جاۋاپ بەرە وتىرىپ ايتتى. قازىرگى ۋاقىتتا قالا بويىنشا وقۋشى ورىندارىنىڭ تاپشىلىعى 30 مىڭدى قۇرايدى. وقۋشىلار سانى دەموگرافيا جانە ىشكى كوشى-قون ەسەبىنەن جىل سايىن ورتا ەسەپپەن 12-14 مىڭ بالاعا ارتىپ كەلەدى.
"الماتىدا "جايلى مەكتەپ" ۇلتتىق جوباسى ىسكە اسىرىلۋدا، ونىڭ اياسىندا الماتىنىڭ جوبالىق كەڭسەسىنىڭ قولداۋىمەن 2024-2025 جىلدارى 37،1 مىڭ ورىنعا ارنالعان 22 وقۋ ورنى سالىنادى"، – دەدى ەربولات دوسايەۆ.
قازىرگى ۋاقىتتا 23 مىڭ ورىندى 13 مەكتەپ بويىنشا جۇمىستار جۇرگىزىلۋدە. جەكە ينۆەستورلارمەن 12 مىڭ وقۋشى ورنىنا 8 مەكتەپ سالۋعا جانە ساتىپ الۋعا مەموراندۋمدارعا قول قويىلدى. سونىمەن قاتار، ءمجا بويىنشا 2 مىڭ ورىندى تاعى 1 مەكتەپ سالىنادى. وسىلايشا، 2025 جىلعى 1 قىركۇيەككە قاراي وقۋشى ورىندارىنىڭ تاپشىلىعى باسقارىلاتىن دەڭگەيگە دەيىن 3-4 مىڭعا دەيىن تومەندەتىلەتىن بولادى.
انىقتاما: بيىل 1 قىركۇيەكتەن باستاپ الماتىدا 4 950 ورىندى 17 مەكتەپ پەن 970 ورىندى مەكتەپتەرگە قوسىمشا 4 عيمارات اشىلدى.