ناۋرىزباي اۋدانىنىڭ پوليسيا قىزمەتكەرلەرى بىرنەشە ۇرلىق جاساعان كۇدىكتىنى ۇستادى.
ول تەك سپورت زالدارىندا بوتەننىڭ مۇلكىن ۇرلاۋعا ماماندانعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كەلۋشىنىڭ اتىن جامىلعان جاس جىگىت مەكەمەلەردىڭ كيىم اۋىستىراتىن بولمەلەرىنە كىرىپ، ادامدار قالدىرىپ كەتكەن قۇندى زاتتار مەن اقشانى ۇرلاعان. جەدەل ىزدەستىرۋ ءىس-شارالارىنىڭ ناتيجەسىندە كۇدىكتى ۇستالدى. ول - 22 جاستاعى جەرگىلىكتى تۇرعىن. قازىرگى ۋاقىتتا تەرگەۋ ءبولىمى ۇستالعان ازاماتتىڭ وسىعان ۇقساس التى ەپيزودقا قاتىستىلىعىن انىقتادى. قىلمىستىق ءىس ق ر قك-نىڭ 188-بابى بويىنشا تىركەلدى»، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.