الماتىدا العاش رەت زەينەت جاسىنداعى ادامداردى جۇمىسقا ورنالاستىرۋعا ارنالعان «التىن جاس» باعدارلاماسى ىسكە قوسىلادى. قالانىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆتىڭ ايتۋىنشا، 2024 جىلى كەمىندە 500 ادام، 2025 جىلى 1000 ادام، 2026 جىلى 1500 ادام قامتىلادى، دەپ حابارلايدى اlmaty-akshamy.kz.
باعدارلاما كىمگە ارنالعان؟
بۇگىندە الماتىدا 247 مىڭنان استام زەينەتكەر تۇرادى. زەينەت جاسىنا تولعان 1 076 الماتىلىق قاتىسقان ساۋالناما قورىتىندىسى بويىنشا 80 جاسقا دەيىنگى ادامنىڭ 48%-ى جۇمىستى جالعاستىرۋعا نيەتتى.
«التىن جاس» باعدارلاماسىنا الماتى قالاسىندا تۇراتىن جانە تىركەلگەن جاسى بويىنشا زەينەتكەرلەر، سونداي-اق مەنشىك نىسانىنا قاراماستان الماتى قالاسىنىڭ جۇمىس بەرۋشىلەرى قاتىسا الادى.
«التىن جاس» باعدارلاماسىن ىسكە اسىرۋ 2024-2028 جىلدارعا جوسپارلانعان، ءوتىنىم 2026 جىلعا دەيىن قابىلدانادى. زەينەت جاستاعى ادامداردىڭ قاتىسۋ مەرزىمى 36 ايدان اسپايدى. باعدارلامانىڭ ەرەكشەلىگى قاتىسۋشىلارعا سۋبسيديالانعان جالاقىنى قامتاماسىز ەتۋ بولىپ تابىلادى. باعدارلاما بويىنشا زەينەت جاسىنداعى ادامداردىڭ جالاقىسىن تولەۋ جۇمىس بەرۋشىنىڭ قاراجاتى ەسەبىنەن بەلگىلەنگەن جالاقى مولشەرىنىڭ كەمىندە 50% كولەمىندە جۇرگىزىلەدى جانە جەرگىلىكتى بيۋدجەت قاراجاتىنان سۋبسيديالانادى، ءبىراق قازاقستان رەسپۋبليكاسىنىڭ بيۋدجەت كودەكسىنە سايكەس ءتيىستى قارجى جىلىنا بەلگىلەنگەن ءبىر ەڭ تومەنگى جالاقىدان اسپاۋى كەرەك (2024 جىلى – 85 مىڭ تەڭگە).
«التىن جاس» باعدارلاماسىنىڭ ماقساتى – زەينەتكە شىققاننان كەيىن ادامداردىڭ ەڭبەككە بەلسەندى ءارى ناتيجەلى ارالاسۋى، جۇمىسپەن قامتىلعان حالىق سانىن ۇلعايتۋ جانە تالىمگەردىڭ ءرولىن نىعايتۋ ءۇشىن مۇمكىندىكتەر جاساۋ.
زەينەتكەرلەر قايدا جۇمىس ىستەي الادى؟
ءقازىر 200-گە جۋىق جۇمىس بەرۋشى زەينەت جاسىنداعى ادامداردى جۇمىسقا ورنالاستىرۋعا نيەت ءبىلدىردى.
«ماماندىققا كەلسەك، نەگىزگى قاجەتتىلىك دەنساۋلىق ساقتاۋ، ءبىلىم بەرۋ، ونەركاسىپ سالالارى، دارىگەرلەر، پەداگوگتار، كىشى جانە ورتا مەديسينالىق قىزمەتكەر، سونىمەن قاتار، ەلەكتريك، مونتەر، ەكولوگ جانە ت.ب. ماماندىقتار»، - دەدى باۋىرجان جاۋباسوۆ.
ماماندىقتاردىڭ تولىق ءتىزىمى ءالى جاسالىپ جاتىر، كەيىنىرەك جاريالانادى.
باعدارلاماعا قالاي قاتىسۋعا بولادى؟
جۇمىس بەرۋشى بولساڭىز:
- بوس جۇمىس ورنىن كورسەتە وتىرىپ، ءوتىنىمدى a.jas@almaty.gov.kz ەلەكتروندىق پوشتا ارقىلى ۇسىنادى جانە ونى Enbek.kz ەلەكتروندىق ەڭبەك بيرجاسىنىڭ ونلاين-سەرۆيسىنە «زەينەتكەر ءۇشىن» بەلگىسىمەن ورنالاستىرىڭىز.
- بەرىلگەن وتىنىمدەر نەگىزىندە الماتى قالاسىنىڭ ەڭبەك موبيلدىلىگى ورتالىعى ۇيىمداردىڭ تىزبەسىن جاسايدى.
- ەگەر ءسىزدىڭ ۇيىمىڭىز جۇمىس بەرۋشىلەر تىزبەسىنە كىرسە، سىزگە زەينەتكەردى اڭگىمەلەسۋگە جىبەرەدى، ءساتتى وتكەن جاعدايدا قازاقستان رەسپۋبليكاسىنىڭ ەڭبەك كودەكسىنە سايكەس ەڭبەك شارتى جاسالادى
- بۇدان كەيىن باعدارلاماعا قاتىسۋشىنى جۇمىسقا قابىلداۋ تۋرالى بۇيرىقتى جانە ەڭبەك شارتىنىڭ كوشىرمەسىن الماتى قالاسىنىڭ ەڭبەك موبيلدىلىگى ورتالىعىنا ۇسىناسىز، سونداي-اق قۇجاتتاردىڭ سكانەرلەنگەن كوشىرمەلەرىن Enbek.kz.ەلەكتروندىق ەڭبەك بيرجاسىنىڭ ونلاين-سەرۆيسىنە ورنالاستىراسىز.
زەينەت جاسىنداعى ادام بولساڭىز:
- دوستىق داڭعىلى، 85، 2 قابات، 201 ا كاب. مەكەنجايى بويىنشا الماتى قالاسىنىڭ مانساپ ورتالىعىنا نەمەسە a.jas@almaty.gov.kz ەلەكتروندىق پوشتاسى ارقىلى جۇمىسقا ورنالاسۋ تۋرالى وتىنىشپەن جۇگىنۋ قاجەت.
- ورتالىق قىزمەتكەرلەرى تۇيىندەمە جاساۋعا جانە جۇمىس بەرۋشىلەر تىزبەسىنە ەنگەن ۇيىمداردا قولايلى جۇمىس ورنىن تاڭداۋعا كومەك كورسەتەدى جانە اڭگىمەلەسۋگە جولداما بەرەدى.
- جولداما بەرىلگەننەن كەيىن قازاقستان رەسپۋبليكاسىنىڭ ەڭبەك كودەكسىنە سايكەس ەڭبەك شارتى جاسالاتىن جۇمىس بەرۋشىمەن اڭگىمەلەسۋدەن ءوتۋ قاجەت.
تولىق اقپارات الۋ ءۇشىن مىنا تەلەفونعا حابارلاسۋعا 8-727-310-47-82 ىشكى. 277، سونداي-اق WhatsApp مەسسەندجەرى ارقىلى 8 708 961 95 34 جازۋعا بولادى.