الماتى قالاسى بويىنشا قاجد-نىڭ №72 مەكەمەسى – 1360 ادامعا ارنالىپ، الەمدىك ستاندارتقا ساي سالىنعان مەكەمە.
سونىمەن قاتار مۇندا 60-قا جۋىق شارۋاشىلىق قىزمەتىندەگى سوتتالعان جازالارىن وتەيدى. تۇتقىندار مەن سوتتالعانداردىڭ دەنساۋلىعىن قاداعالاۋ، دياگنوز قويۋ جانە ەمدەۋ جۇمىستارىن ۇيىمداستىرۋدا قىرۋار شارۋا اتقارىلادى. مەكەمەنىڭ مەديسينا قىزمەتى اۋماقتىق جاعىنان 24-ەمحانامەن جانە 4-قالالىق كلينيكالىق اۋرۋحانامەن بىرلەسىپ جۇمىس ىستەيدى، دەپ حابارلايدى aqshamnews.kz Polisia.kz-كە سىلتەمە جاساپ.
جاقىندا اتالعان مەكەمەدە شارۋاشىلىق جاساعىنداعى جازاسىن وتەۋشىلەردى پروفيلاكتيكالىق تەكسەرۋ جۇمىستارى جۇزەگە اسىرىلدى. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2018 جىلعى № 174 بۇيرىعىنىڭ تالاپتارىنا سايكەس جۇرگىزىلگەن پروفيلاكتيكالىق تەكسەرۋ جۇمىستارىنا №24 قالالىق كلينيكالىق ەمحاناسىنىڭ باسشىسى گ.ماياكوۆا، ەمدەۋ-پروفيلاكتيكالىق جۇمىس جونىندەگى ورىنباسارى م.الييەۆا جانە №72 مەكەمەدەگى مەديسينالىق ءبولىمنىڭ مەڭگەرۋشىسى د.نۋردينوۆا جانە اكۋشەر-گينەكولوگ، پسيحياتر، حيرۋرگ، دەرموتولوگ، لور جانە تراۆماتولوگ دارىگەرلەر قاتىستى. تەكسەرۋ بارىسىندا سوتتالعاندار اراسىندا وبىر جانە سوزىلمالى باسقا دا اۋرۋلاردىڭ الدىن الۋ ماقساتىمەن ۋلترادىبىستىق-زەرتتەۋلەردەن وتكىزۋ جۇمىستارى ۇيىمداستىرىلدى.