الماتى قالاسى بويىنشا قىلمىستىق-اتقارۋ جۇيەسىندە سوتتالعانداردىڭ بوس ۋاقىتىن پايدالى وتكىزۋلەرىنە باسا نازار اۋدارىلادى.
بوس ۋاقىتتا سپورتپەن اينالىسۋ ولاردىڭ دەنساۋلىقتارىنا عانا پايدالى ەمەس، سونىمەن قاتار قايتادان قىلمىسقا ۇرىنباۋلارىنا ىقپال ەتەدى، دەپ حابارلايدى aqshamnews.kz Polisia.kz-كە سىلتەمە جاساپ.
وسى ماقساتتا جۋىردا دەپارتامەنتكە قاراستى اۋداندىق پروباسيالىق باقىلاۋ قىزمەتتەرى بولىمدەرىندە ەسەپتە تۇرعان جانە №13 مەكەمەدەگى سوتتالعاندار اراسىندا «دينامو» سپورت الاڭىندا فۋتبولدان جارىس ۇيىمداستىرىلدى. جارىس قورىتىندىسىندا №13 مەكەمەدەگى سوتتالعاندار كومانداسى العا شىعىپ، ءبىرىنشى ورىندى يەمدەندى.
ال 2-ورىندى ناۋرىزباي اۋداندىق جانە 3-ورىندى بوستاندىق اۋداندىق پروباسيا ءبولىمىنىڭ باقىلاۋىنداعى سوتتالعاندار جەڭىپ الدى. مۇنداي فۋتبول جارىسى باسقا اۋدانداردا دا جالعاسىن تاۋىپ، تۇركسىب اۋداندىق پروباسيا بولىمىندەگى سوتتالعاندار «الاش» ستاديونىنداعى فۋتبول الاڭىن قىزۋ ويىن الاڭىنا اينالدىردى. سونداي-اق الماتى قالاسى اكىمشىلىگىنىڭ قولداۋىمەن شاعىن فۋتبول جارىسىن وتكىزگەن جەتىسۋ اۋداندىق پروباسيا ءبولىمىنىڭ ەسەبىندەگى سوتتالعاندار دا شەبەر ويىندارىمەن ەرەكشەلەندى. جالپى، ويىن ناتيجەسى بويىنشا جەڭىمپاز بولعان كوماندالار باسشىلىق تاراپىنان گراموتالارمەن ماراپاتتالدى.