الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتىنىڭ پروباسيا قىزمەتىنە باسشىلىق ەتۋ ءبولىمىنىڭ ۇيىمداستىرۋىمەن ۆەدومستۆوارالىق جەدەل كەڭەس وتكىزىلدى.
جەدەل كەڭەسكە الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتى باستىعى قايرات دالبەكوۆ ءتوراعالىق ەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كەڭەس جۇمىسىنا الماتى قالاسى پروكۋراتۋراسىنىڭ، الماتى قالاسى پوليسيا دەپارتامەنتىنىڭ جپق جانە الماتى قالاسى حالىقتى جۇمىسپەن قامتۋ جانە الەۋمەتتىك باعدارلامالار باسقارماسىنىڭ قىزمەتكەرلەرى قاتىستى.
اتالعان باس قوسۋدا الماتى قالالىق پروباسيا قىزمەتى بولىمدەرىنىڭ ەسەبىندە تۇراتىن سوتتالعانداردى جۇمىسپەن قامتۋ ماسەلەلەرى جانە قوعامنان وقشاۋلاۋمەن بايلانىستى ەمەس جازا تۇرىنە تارتىلعان سوتتالعاندار تاراپىنان جازا وتەۋ مەرزىمى كەزىندە قايتالاپ جاسالاتىن قىلمىستىق قۇقىق بۇزۋشىلىقتاردىڭ الدىن الۋ شارالارى قاراستىرىلدى. قاج دەپارتامەنتىنىڭ باستىعى تاراپىنان پروباسيا قىزمەتى ەسەبىندە تۇراتىن سوتتالعانداردىڭ قايتالاپ جاسالاتىن قىلمىستىق قۇقىق بۇزۋشىلىقتىڭ الدىن الۋدىڭ ءبىر قۇرالى رەتىندە سوتتالعانداردى جۇمىسپەن قامتۋ جۇمىستارىن ۇيىمداستىرۋ ءۇشىن جۇمىس توبىن قۇرۋعا ۇسىنىس ەنگىزدى. كەڭەس شەشىمى بويىنشا سوتتالعانداردى جۇمىسپەن قامتۋ جانە قايتا قىلمىس جاساۋدىڭ الدىن الۋ ماقساتىندا ارنايى جۇمىس توبىنىڭ قۇرامىنا قاج دەپارتامەنتى، پروكۋراتۋرا قىزمەتكەرلەرى، پد جپق قىزمەتكەرلەرى، جۇمىسپەن قامتۋ ورتالىعىنىڭ قىزمەتكەرلەرى كىردى جانە جۇمىس توبىنا ناقتى ىس-ارەكەتتەردى جۇزەگە اسىرۋ مىندەتتەرى جۇكتەلدى.