بيىل جاھاندىق ينفلياسيا تومەندەۋى مۇمكىن. بىلتىر كورسەتكىش 6،8 پروسەنت. ال بيىل مەجە 5،8 پروسەنتكە دەيىن كەمۋى ءتيىس.
ءبىراق ماماندار احۋالدىڭ وڭالۋىنا كەرى اسەر ەتەتىن قاۋىپ-قاتەردىڭ بارىن جاسىرمايدى. بۇل الەمدەگى گەوساياسي احۋالمەن بايلانىستى، دەپ حابارلايدى Almaty-akshamy.kz.
ويتكەنى مۇنىڭ ءبارى تاۋار تاسىمالىن قيىنداتادى. وسىنىڭ كەسىرىنەن لوگيستيكالىق شىعىندار ارتىپ، باعا وسەتىنى انىق. ءيا، ينفلياسيانىڭ سالدارىنان ءقازىر كوپ ەلدە ازىق-تۇلىك باعاسى شارىقتاپ تۇر. الەمدىك ساراپشىلار بيىل اسىرەسە شاي مەن شوكولاد باعاسى كۇرت قىمباتتايدى، دەيدى.
«دۇنيەجۇزى 2040 جىلى شوكولادسىز قالۋى مۇمكىن»، - دەيدى الەمدىك ساراپشىلار.
وعان باستى سەبەپ كليماتتىڭ وزگەرۋى. شوكولاد پەن كليماتتىڭ قانداي بايلانىسى بار؟ كاكاو وندىرىسىنە نە اسەر ەتەدى؟ جاھاندىق جىلىنۋدىڭ اسەرىنەن 2030 جىلعا قاراي كاكاو اعاشىن ءوسىرۋ ءتيىمسىز بولادى.
ءقازىردىڭ وزىندە كەي افريكالىق جانە يندونەزيالىق فەرمەرلەر كاكاو بۇرشاقتارىن وسىرۋدەن باس تارتىپ جاتىر.
حالىقارالىق كاكاو ۇيىمىنىڭ مالىمەتىنشە، كەيىنگى 40 جىلدا شوكولاد اعاشتارىن وسىرۋگە جارامدى اۋماقتاردىڭ اۋدانى 40%-كە ازايدى. تاعى 40 جىلدان كەيىن گانا مەن كوت-د’يۆۋارداعى ورتاشا تەمپەراتۋرا 2 گرادۋسقا كوتەرىلىپ، شوكولاد يندۋسترياسى توقتاۋى مۇمكىن. ويتكەنى، بۇل ەكى ەل الەمدىك كاكاو ەكسپورتىنىڭ 70%ء-ىن قامتيدى. ال بولجام جىل سايىن كاكاوعا سۇرانىستى ارتتىرىپ جاتىر.
الەمدىك بيرجالارداعى كاكاو بۇرشاقتارىنىڭ قۇنى اقپان باسىندا 6000 دوللارعا جەتتى. ياعني جىل باسىنان بەرى ءبىر جارىم ەسە وسكەن. بۇل 2022 جىلعى كورسەتكىشپەن سالىستىرعاندا 130 پروسەنتكە كوپ.