جوسپاردان تىس تەكسەرۋ ناتيجەسىندە مەنشىك يەسىنىڭ (جەكە تۇلعا) رۇقسات قۇجاتتارى بولماسا دا عيمارات سالعانى انىقتالدى.
ايتا كەتەيىك، 2023 جىلعى 28 ناۋرىزدا باسقارما مەنشىك يەسىنە قاتىستى اقبتك-نىڭ 316-بابى 1، 321-بولىگى بويىنشا شارالار قابىلدادى جانە جول بەرىلگەن بۇزۋشىلىقتاردى جويۋعا نۇسقاما بەردى. مەنشىك يەسى نۇسقامانى ورىنداماعاندىقتان، باسقارما الماتى قالاسىنىڭ ناۋرىزباي اۋداندىق سوتىنا سۇرۋگە تالاپ ارىز بەردى.
2023 جىلعى 9 قاراشادا الماتى قالاسى ناۋرىزباي اۋداندىق سوتىنىڭ شەشىمىمەن تالاپ-ارىز قاناعاتتاندىرىلدى، 2024 جىلعى 7 اقپاندا الماتى قالالىق سوتى سوت شەشىمىن وزگەرىسسىز قالدىردى.
مەنشىك يەسى الماتى قالاسى ادىلەت دەپارتامەنتىنىڭ سوت ورىنداۋشىلارىمەن بىرگە نىساندى ەرىكتى تۇردە بۇزۋدى باستادى.
ايتا كەتەيىك، بۇعان دەيىن الماتى اكىمى ەربولات دوسايەۆ زاڭسىز قۇرىلىستى باقىلاۋدى كۇشەيتۋدى تاپسىرعان بولاتىن.
جالپى، قالادا تالاپ-ارىز قويۋ قىزمەتىنىڭ ناتيجەسى بويىنشا وتكەن جىلدان باستاپ 32 زاڭسىز نىسان تولىعىمەن نەمەسە جارتىلاي بۇزىلدى. اتاپ ايتساق، بيزنەس-ورتالىق، مەيرامحانا، قوسالقى عيمارات پەن اۆتوسەرۆيس، سونداي-اق مەچتا جانە KHAN سياقتى ءىرى تۇرعىن ءۇي كەشەندەرى.