رەسەيدەن كەلگەن تاسقىن سۋىنىڭ 80 ملن تەكشە مەترى باتىس قازاقستان وبلىسىنىڭ قامىس-سامار كولدەرىنە جىبەرىلدى.
ايتا كەتەيىك، بۇل كولدەرگە سوڭعى 20 جىل بويى سۋ بارماعان.
تاسقىن سۋىن كولدەر جۇيەسىنە جىبەرۋ جۇمىسىن جەرگىلىكتى «قازسۋشار» فيليالىنىڭ ماماندارى جۇرگىزۋدە، دپ حابارلايدى Almaty-akshamy.kz ق ر تجم-گە سىلتەمە جاساپ.
قامىس-سامار كولدەرى كيىكتەر مەن باسقا دا جانۋارلاردىڭ كوشۋ جولىنداعى تابيعي سۋات كوزى بولىپ تابىلادى.
باتىس قازاقستان وبلىسىنداعى سۋدىڭ نەگىزگى كوزى - جايىق وزەنى. اتالعان وزەن ارقىلى كەلگەن تاسقىن سۋى سۋ رەسۋرستارى جانە يرريگاسيا مينيسترلىگىنىڭ «قازسۋشار» مەكەمەسىنە تيەسىلى جايىق-كوشىم سۋارۋ-سۋلاندىرۋ جۇيەسىندە جينالادى.
«سونىمەن قاتار، «قازسۋشار» ماماندارى سوڭعى جىلدارى كەۋىپ قالعان ەدىلسور، جالتىركول، ءبىرقازان، سوركول، سالتانات جانە باسقا دا سۋ ايدىندارىنا سۋ جىبەرە باستادى. سونداي - اق، بالقاش كولىنە، كاسپيي تەڭىزىنە سۋ جىبەرۋ جۇمىسى جالعاسىپ جاتىر»، - دەدى سۋ رەسۋرستارى جانە يرريگاسيا مينيسترلىگىنىڭ رەسمي وكىلى ءمولدىر ابدۋالييەۆا.