حالىقارالىق اۆتوموبيل جۇكتەرىن ءۇشىنشى ەلدەرگە/ەلدەردەن تاسىمالداۋعا رۇقسات بلانكىلەرىن بەرۋ پروسەسى جەڭىلدەتىلدى
ەستەرىڭىزگە سالا كەتەيىك، 13 ءساۋىر كۇنى سيفرلىق رۇقسات بلانكىسىن پايدالانا وتىرىپ، العاشقى ماشينا قازاقستان مەن وزبەكستان شەكاراسىن كەسىپ ءوتتى، دپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
وسىلايشا، بۇگىنگى تاڭدا 780 ەلەكتروندىق بلانك بەرىلگەن. ايتا كەتەرلىگى، مۇنداي يننوۆاسيالىق شەشىمدەر لوگيستيكالىق پروسەستەردى ەداۋىر جەڭىلدەتىپ، جۇك تاسىمالىن تيىمدىرەك ەتەدى، سونىمەن قاتار الىپساتارلىق پروبلەمالارىن الدىن الۋعا كومەكتەسەدى دەپ كۇتىلۋدە.
ماسەلەن، وسى جىلدىڭ ءساۋىر ايىندا «قازاقستان رەسپۋبليكاسى راتيفيكاسيالاعان حالىقارالىق شارتتارعا سايكەس قازاقستان رەسپۋبليكاسىنىڭ تاسىمالداۋشىلارىنا شەت مەملەكەتتىڭ اۋماعى ارقىلى وتۋگە رۇقسات بەرۋ «مەملەكەتتىك قىزمەت كورسەتۋ جونىندەگى پيلوتتىق جوبانى ىسكە اسىرۋ تۋرالى» بىرلەسكەن بۇيرىق كۇشىنە ەندى. اتالعان بۇيرىق نەگىزىندە جۇكتەردى تاسىمالداۋعا ارنالعان ءۇشىنشى ەلدەرگە/ەلدەردەن تاسىمالداۋعا وزبەكستاندىق رۇقسات بلانكىلەرى ەلەكتروندىق فورماتقا اۋىستىرىلدى.
وتاندىق تاسىمالداۋشىلارعا ەلەكتروندىق رۇقساتتار بەرۋگە وتىنىشتەردى قابىلداۋدى ق ر قارجى مينيسترلىگى مەملەكەتتىك كىرىستەر كوميتەتىنىڭ اۋماقتىق ورگاندارى CarGoRuqsat ەلەكتروندىق كەزەگىنىڭ اۆتوماتتاندىرىلعان جۇيەسى ارقىلى جۇزەگە اسىرادى.
ول ءۇشىن تومەندەگى قۇجاتتاردىڭ بولۋى شارت:
1) ەلەكتروندىق كەزەك جۇيەسىندە تىركەلۋ؛
2) كولىك قۇرالدارىنا ارنالعان قۇجاتتار؛
3) شەتەلدىك رۇقساتتى قولدانۋ ارقىلى/قولدانۋسىز رۇقسات كۋالىگى؛
4) كولىك قوزعالىسىنا بەرىلەتىن رۇقسات كارتوچكالارى؛
5) ق ر اۋماعىنان شىققانى ءۇشىن الىم سوماسىن بيۋدجەتكە تولەۋ.