29 جاستاعى الماتىلىق ءۇيىن ەسىرتكى زەرتحاناسىنا اينالدىرعان، – دەپ حابارلايدى Polisia.kz.
ماسەلە مەدەۋ اۋدانىنداعى باۋ-باقشا سەرىكتەستىكتەرىنىڭ ءبىرىنىڭ تۇرعىنى جايىندا بولىپ وتىر. ول سينتەتيكالىق ەسىرتكىنى زاڭسىز ساقتاپ، زەرتحانالىق جولمەن ءوندىردى جانە تاراتتى دەگەن كۇدىكپەن ۇستالدى.
– ونىڭ ۇيىنەن ىشىندە اقشىل ءتۇستى ۇنتاق زاتى بار سەللوفان پاكەتتەرى، ەرەكشە ءيىسى بار، قۇمىراعا وسىرىلگەن جاسىل وسىمدىكتىڭ بۇتالارى، سۇيىقتىقتارى بار ىدىستار، ۇنتاقتى زاتتىڭ قاباتتارىنىڭ تەمپەراتۋراسىن ولشەيتىن پيرومەتر، ارنايى كومبينەزون تابىلدى. سونداي-اق، ءۇي اۋماعىنان اعاش كونسترۋكسيا – سينتەتيكالىق ەسىرتكى جاساۋعا ارنالعان تاقتاي، شيكىزاتتى ارالاستىرۋعا ارنالعان تەمىر ارالاستىرعىشتارى بار ەلەكترلى بۇرعىلار جانە ت.ب. تابىلدى جانە تاركىلەندى. ا.ەسىمدى ازاماتتىڭ ايتۋىنشا، ونىڭ بۇل كاسىپكە كەلگەنىنە كوپ بولعان جوق. ەر ادامنىڭ سوزىنشە، ينتەرنەت قوسىمشا ارقىلى وعان مەفەدرون پسيحوتروپتىق زاتىن جاساۋدىڭ ينگرەديەنتتەرى مەن نۇسقاۋلارى بار سىناما العىشتان باستاۋ ۇسىنىلعان، وعان ونى جاساعانى ءۇشىن جومارت سىياقى ۋادە ەتىلگەن. قاسكوي كەلىسكەن سوڭ “جۇمىس بەرۋشىلەر” وعان قاجەتتى شيكىزاتتى الۋ ءۇشىن كوورديناتتاردى جىبەرگەن، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
تاركىلەنگەن زاتتارعا سوت-حيميالىق ساراپتاما تاعايىندالدى. كۇدىكتى تەرگەۋدە.