زاماناۋي يننوۆاسيالىق جانە زياتكەرلىك جەتىستىكتەر تانىستىرىلادى
قازاقستان رەسپۋبليكاسىنىڭ مەملەكەتتىك ورتالىق مۋزەيى جانە جاپونيانىڭ قازاقستان رەسپۋبليكاسىنداعى ەلشىلىگى قازاقستان-جاپون ادام رەسۋرستاردى دامىتۋ ورتالىعىمەن بىرلەسىپ «جاپونيا مادەنيەتى كۇنى» فەستيۆالىن وتكىزەدى، دەپ حابارلايدى Almaty-akshamy.kz.
"جاپونيا مادەنيەتى كۇنى" فەستيۆالىنىڭ ماقساتى – قازاقستان مەن جاپونيا اراسىنداعى مادەني ىنتىماقتاستىقتى نىعايتۋ، ەكىجاقتى بايلانىستاردى دامىتۋ جانە ءوزارا تۇسىنىستىكتى تەرەڭدەتۋ، سونداي-اق الماتى قالاسىنىڭ تۇرعىندارى مەن قوناقتارىن كۇنشىعىس ەلىنىڭ سالت-داستۇرلەرى مەن ادەت-عۇرىپتارى، زاماناۋي يننوۆاسيالىق جانە زياتكەرلىك جەتىستىكتەرىمەن تانىستىرۋ.
اتالعان ءىس-شارادا قازاقستاندا تۇراتىن جاپون ازاماتتارى جاپونيانىڭ ءداستۇرلى ونەرى مەن زاماناۋي تەحنيكالارىن كورمەلەر مەن ماستەر-كلاستار ارقىلى قازاقستان حالقىنا تانىستىرادى. 2019 جىلى وتكىزىلگەن بۇل فەستيۆال 5000-عا جۋىق كورەرمەن جيناپ، قازاقستانداعى ەڭ اۋقىمدى جاپونيانىڭ مادەني شاراسى رەتىندە جەتىستىككە جەتتى. اتالعان فەستيۆال قازاقستان حالقىنا جاپون مادەنيەتىن ءوز كوزىمەن كورۋگە جانە جاپونيا تۋرالى ءبىلىمىن ودان ءارى تەرەڭدەتۋگە مۇمكىندىك بەرەتىنىنە سەنىمدىمىز.
«جاپونيا مادەنيەتى كۇنى» فەستيۆالىن جاپونيانىڭ قازاقستان رەسپۋبليكاسىنداعى توتەنشى جانە وكىلەتتى ەلشىسى دجۋن يامادا مىرزا اشادى. مەملەكەتتىك ورتالىق مۋزەيدىڭ ديرەكتورى راشيدا ەرىم قىزى حاريپوۆا حانىم جانە «نارحوز» ۋنيۆەرسيتەتىنىڭ پرەزيدەنتى ميراس مۇحتار ۇلى داۋلەنوۆ مىرزا قاتىسادى.
فەستيۆال 24 قىركۇيەك ساعات 12.00-دەن 16.00-گە دەيىنگى ارالىقتا وتەدى.