2023 جىلى «سيفرلىق نوتاريات» جوباسى ەنگىزىلگەننەن بەرى الماتىدا 12 234 سەنىمحات بەرىلدى.
مۇنداي دەرەكتەردى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ادىلەت دەپارتامەنتىنىڭ باسشىسى بالايىم كەسەبايەۆا كەلتىردى، دەپ حابارلايدى Almaty-akshamy.kz.
اتاپ وتكەندەي، ادىلەت مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن جانە رەسپۋبليكالىق نوتارياتتىق پالاتامەن بىرلەسىپ، نوتارياتتىق سەنىمحاتتاردى ەلەكتروندىق تۇردە كۋالاندىرۋدى كوزدەيتىن «سيفرلىق نوتاريات» پيلوتتىق جوباسىن ىسكە قوستى.
سەنىمحات قىزمەتى بانكتەر مەن باسقا دا جەكە ۇيىمدارعا قوسىلاتىن egovmobile ءموبيلدى قوسىمشاسى ارقىلى قول جەتىمدى.
«سونداي-اق ءموبيلدى قوسىمشادا «نوتارياتتىق ونلاين-كەڭەس بەرۋ» قىزمەتى ۇسىنىلادى. ەندى ازاماتتار نوتارياتتىق قىزمەتتەرگە قاتىستى زاڭدى سۇراقتارعا جاۋاپ الا الادى. بۇل سىزگە ۋاقىتتى ۇنەمدەۋگە، تومەن كوميسسيالاردى تولەۋگە جانە ىڭعايلى ۋاقىتتا سەنىمدى اقپارات الۋعا كومەكتەسەدى»، - دەدى وكق سپيكەرى.
الماتىدا 945 نوتاريۋس جۇمىس ىستەيتىن نوتارياتتىق پالاتا جۇمىس ىستەيدى. ەسەپتى جىلى الماتى نوتاريۋستارى 2 ملن-نان استام نوتارياتتىق ءىس-قيمىل جاسادى، سونداي-اق مامىلەلەردى (ساتىپ الۋ-ساتۋ، سىيعا تارتۋ، ايىرباستاۋ شارتتارىن) كۋالاندىرۋ، مۇرانى، وسيەتتەردى تىركەۋ، سەنىمحاتتاردى كۋالاندىرۋ.