ادىلەت مينيسترلىگىنىڭ وكىلدەرى الاياقتاردان ساق بولۋعا شاقىرادى

ق ر ادىلەت مينيسترلىگى الاياقتار وزدەرىن ادىلەت ورگاندارىنىڭ قىزمەتكەرلەرى نەمەسە سوت ورىنداۋشىلارى رەتىندە تانىستىرىپ جۇرگەنىن ەسكەرتەدى.

ولار ازاماتتارعا حابارلاسىپ، اتقارۋشىلىق قۇجاتتاردىڭ تالاپتارىن ورىنداۋدى، بانك شوتتارىن بۇعاتتاپ، جۇرگىزۋشى كۋالىگىن توقتاتا تۇرۋمەن جانە ت. ب. ءتۇرلى جولدارمەن قورقىتا وتىرىپ، بەرەشەكتى وتەۋدى تالاپ ەتۋدە، دەپ حابارلايدى Almaty-akshamy.kz ادىلەت ءمينيسترلىنىڭ سايتىنا سىلتەمە جاساپ. 

مۇنداي قوڭىراۋلار كەلىپ تۇسكەن جاعدايدا اتقارۋشىلىق ءىس جۇرگىزۋدىڭ مەملەكەتتىك اۆتوماتتاندىرىلعان اقپاراتتىق جۇيەسىندە (بۇدان ءارى – ءاىجو ااج) (https://aisoip.adilet.gov.kz/) نەمەسە ايس ويپ ءموبيلدى قوسىمشاسى ارقىلى اتقارۋشىلىق ءىس جۇرگىزۋدىڭ بار نەمەسە جوقتىعىنا كوز جەتكىزۋ قاجەتتىگىن ەسكەرتەدى.

سونىمەن قاتار، مەملەكەتتىك جانە جەكە سوت ورىنداۋشىلارىنىڭ بايلانىس دەرەكتەرىن ءسىز كەلەسى سىلتەمەلەرگە ءوتۋ ارقىلى http://www.gov.kz/memleket/entities/adilet/about/structure/105/1؟lang=kk، https://aisoip.adilet.gov.kz/forCitizens/departments الۋىڭىزعا بولادى.

الاياقتاردىڭ زاڭسىز ارەكەتتەرىنىڭ الدىن الۋ ءۇشىن مينيسترلىك تەك رەسمي دەرەك كوزدەرىنەن الىنعان مالىمەتتەرگە عانا سەنۋدى جانە دەربەس دەرەكتەردى ءۇشىنشى تۇلعالارعا جانە كۇماندى ينتەرنەت-رەسۋرستارعا بەرمەۋىڭىزدى ەسكەرتەدى.

سونىمەن قاتار، قوسىمشا اقپارات الۋ ءۇشىن مينيسترلىكتىڭ قۇقىقتىق اقپاراتتىق قىزمەتىنە (8 7172 58-00-58) ءنومىرى بويىنشا حابارلاسۋعا بولادى.