ءىس-شارا بارىسىندا قىتايلىق Zowoyoo پلاتفورماسى تانىستىرىلادى، دەپ حابارلايدى aqshamnews.kz
2025 جىلدىڭ 5 ماۋسىمىندا الماتى قالاسىندا "سيفرلىق جىبەك جولى – 2025" حالىقارالىق فورۋمى وتەدى. بۇل فورۋم تۋريزم سالاسىنداعى قازاقستاندىق جانە قىتايلىق ماماندار اراسىنداعى ءوزارا ءتيىمدى ارىپتەستىكتى دامىتۋعا باعىتتالعان.
فورۋم ەكى تاقىرىپتىق پانەلدىك پىكىرتالاستان تۇرادى:
تۋريستىك ەكوجۇيەنىڭ سيفرلىق ترانسفورماسياسى:
كونتەنت – قوزعاۋشى كۇش: قازىرگى مەديادا داۋىرىندەگى تۋريزم سالاسىنداعى ماركەتينگتىڭ تىڭ ەرەجەلەرى.
فورۋمعا قازاقستان مەن قىتايدىڭ تۋريزم، قوناقجايلىلىق يندۋسترياسى جانە تەحنولوگيا سالاسىنداعى جەتەكشى ساراپشىلارى، تۋروپەراتورلارى مەن كومپانيالارى قاتىسادى. ولاردىڭ قاتارىندا Ctrip، Tongcheng، JD Travel سياقتى ءىرى كومپانيالار بار.
ءىس-شارا بارىسىندا تۋروپەراتورلار مەن قوناقجايلىلىق يندۋسترياسىنىڭ وكىلدەرىنە قىتايلىق Zowoyoo پلاتفورماسى تانىستىرىلادى.