مۇنداي بولجامدى "قازگيدرومەت" مەكەمەسىنىڭ ماماندارى جاريالادى، دەپ حابارلايدى aqshamnews.kz
قازاقستاننىڭ 7 وبلىسىنىڭ كەيبىر اۋداندارىندا ورتاشا قۇرعاقشىلىق بولجانادى.
ۆەگەتاسيالىق كەزەڭنىڭ باسىندا جاۋىن-شاشىننىڭ كوپ بولۋى ەلدىڭ سولتۇستىك وبلىستارىندا اتموسفەرالىق ىلعالدىلىق جاعدايىن جاقسارتتى. الايدا، قازاقستاننىڭ سولتۇستىك-باتىسىندا، وڭتۇستىك-باتىسىندا، وڭتۇستىگىندە، وڭتۇستىك-شىعىسىندا جانە ورتالىعىندا قۇرعاقشىلىق ءالى دە ساقتالۋدا.
"الداعى ايدا جاۋىن-شاشىن تاپشىلىعى مەن اۋا تەمپەراتۋراسىنىڭ جوعارىلاۋىنا بايلانىستى جەكەلەگەن اۋماقتاردا قۇرعاقشىلىق بولۋى مۇمكىن"، – دەپ اتاپ ءوتتى سينوپتيكتەر.
سينوپتيكالىق بولجامعا سايكەس، ماۋسىم ايىندا جاۋىن-شاشىن رەسپۋبليكانىڭ كوپ بولىگىندە نورمادان از بولادى دەپ بولجانۋدا.
جاۋىن-شاشىن مولشەرى پاۆلودار، شىعىس قازاقستان وبلىستارىندا، باتىس قازاقستان، اقمولا، سولتۇستىك قازاقستان وبلىستارىنىڭ باسىم بولىگىندە، اباي وبلىسىندا، اتىراۋ وبلىسىنىڭ باتىسىندا، قاراعاندى وبلىسىنىڭ سولتۇستىك-شىعىسىندا نورماعا جاقىن دەڭگەيىندە كۇتىلەدى.
الدىن-الا ەسەپ بويىنشا، ماۋسىم ايىندا ورتاشا قۇرعاقشىلىق مىنا اۋدانداردا كۇتىلەدى:
قوستاناي وبلىسىندا – امانگەلدى، جانگەلدى اۋداندارىندا
ماڭعىستاۋ وبلىسىندا – ماڭعىستاۋ اۋدانىندا
قاراعاندى وبلىسىندا – اقتوعاي جانە شەت اۋداندارىندا
الماتى وبلىسىندا – بالقاش اۋدانىندا
جامبىل وبلىسىندا – مويىنقۇم اۋدانىندا
تۇركىستان وبلىسىندا – سوزاق، قازىعۇرت، تولەبي، شاردارا جانە جەتىساي اۋداندارىندا
قىزىلوردا وبلىسىندا – قارماقشى جانە شيەلى اۋداندارىندا.