پراۆوسلاۆتاردىڭ شوقىندىرۋ ءراسىمى كۇنى الماتىدا قانداي ورىنداردا سۋعا تۇسۋگە بولادى؟
بۇل تۋرالى وڭىرلىك كوممۋنيكاسيالار قىزمەتى الاڭىندا قازاقستان ميتروپوليتتىك وكرۋگىنىڭ قوعاممەن بايلانىس ءبولىمىنىڭ باسشىسى پروتويەرەي الەكساندر سۋۆوروۆ حابارلادى.
سۋعا تۇسۋگە رۇقسات ەتىلگەن ورىندار ءتىزىمى:
1. «الماتى ق. كرەستوۆوزدۆيجەنسكيي عيباداتحاناسىنىڭ شىركەۋى» جەرگىلىكتى ءدىني بىرلەستىگى (ۆىسوكوۆولتنايا كوشەسى، 37ب)؛
2. «الماتى قالاسى استانا جانە الماتى ەپارحياسىنىڭ «قۇتقارۋشى ءماسىحتىڭ عيباداتحاناسىنىڭ شىركەۋى» جەرگىلىكتى ءدىني بىرلەستىگى ( رايىمبەك داڭعىلى، 493).
3. «قازاقستاننىڭ پراۆوسلاۆيە شىركەۋىنىڭ استانا جانە الماتى ەپارحياسى» وڭىرلىك ءدىني ۇيىمىنىڭ فيليالى اۋليە نيكولاي سوبورى» (بايتۇرسىنوۆ كوشەسى، 56/5)؛
4. «استانا جانە الماتى ەپارحياسىنىڭ پەرۆومايسكيي كەنتىنىڭ ۋسپەن عيباداتحاناسىنىڭ شىركەۋى» (قۇداباي ۇلى كوشەسى، 86)؛
5. «استانا جانە الماتى ەپارحياسىنىڭ «ۇلى شەيىت پاراسكيەۆا عيباداتحاناسىنىڭ شىركەۋى» جەرگىلىكتى پراۆوسلاۆيەلىك ءدىني بىرلەستىگى (جانسۇگىروۆا، 500ۆ)؛
6. «استانا جانە الماتى ەپارحياسىنىڭ «يۆەرسك-سەرافيموۆ ايەلدەر موناستىرى» جەرگىلىكتى ءدىني بىرلەستىگى (حاميدي كوشەسى، 30)؛
7. استانا جانە الماتى ەپراحياسىنىڭ «الماتى قالاسى بلاگوۆەششەنسكيي عيباداتحاناسىنىڭ شىركەۋى» جەرگىلىكتى پراۆوسلاۆيەلىك ءدىني بىرلەستىگى
(الاتاۋ شاعىن اۋدانى، يبراگيموۆ كوشەسى، 13).
8. استانا جانە الماتى ەپراحياسىنىڭ «كازانكايا قۇداي اناسى يكوناسىنىڭ قۇرمەتىنە ارنالعان سوبور» جەرگىلىكتى پراۆوسلاۆيەلىك ءدىني بىرلەستىگى (حاليۋللين كوشەسى، 45-ا).
9. «بوگوروديسە روجدەستۆو عيباداتحاناسى» جەرگىلىكتى پراۆوسلاۆيەلىك ءدىني بىرلەستىگى» (ەگىنسۋ كوشەسى، 1ب)؛
تۇركسىب اۋدانى:
10.«پوكروۆسكو-ۆسەحسۆياتسكيي عيباداتحاناسى» جەرگىلىكتى پراۆوسلاۆيەلىك ءدىني بىرلەستىگى (جاس پيونەرلەر كوشەسى، 85 ءۇي).
اتالعان ۋچاسكەلەردە توتەنشە جاعدايلاردىڭ الدىن الۋ ءۇشىن قۇتقارۋشىلاردىڭ، دارىگەرلەر مەن پوليسيانىڭ تاۋلىك بويى كەزەكشىلىگى ۇيىمداستىرىلادى. بۇل تۋرالى الماتى قالاسى تجد ازاماتتىق قورعانىس باسقارماسى باستىعىنىڭ مىندەتىن ۋاقىتشا اتقارۋشى عالىم مۇحامەدجان مالىمدەدى.
«سۋىق سۋدا ۇزاق ۋاقىت بولعان كەزدە ءسىڭىر تارتىلىپ، ۇسىك شالۋى مۇمكىن. سونداي - اق، سۋىق سۋعا كەنەتتەن تۇسكەن كەزدە جۇرەك جەتكىلىكسىزدىگى ءورشۋى مۇمكىن»، - دەدى ول.
الماتى تۇرعىندارىنا رۇقسات ەتىلمەگەن جەرلەردە، سونىڭ ىشىندە مۇز باسقان تاۋلى وزەندەر مەن توعانداردا شومىلۋعا قاتاڭ تىيىم سالىنعانى تۋرالى ەسكە سالىندى. ەرەجەنى بۇزۋشىلارعا 7 اەك مولشەرىندە ايىپپۇل سالىنىپ، جاۋاپقا تارتىلۋى مۇمكىن.
«سونىمەن قاتار، قالعان سۋ ايدىندارىنا، توعاندار مەن تاۋلى وزەندەرگە (ۇلكەن جانە كىشى الماتى) شومىلۋعا تىيىم سالىنادى. قازىرگى ۋاقىتتا بۇل سۋ وبەكتىلەرىندە مۇز قاتقان. تاۋلى وزەندەر وتە تايعاق، مۇز ۇستىندە جۇرگەندە تايىپ كەتۋ جانە ءارتۇرلى سىنىقتار مەن جاراقاتتار الۋ ءقاۋپى بار. مۇز استىنداعى وزەندەردىڭ اعىسى وتە كۇشتى جانە تەپە-تەڭدىگى مەن ەسىن جوعالتقان ادامدى اعىزىپ اكەتۋى مۇمكىن، - دەپ ەسكە الدى تجد.
سۋداعى توتەنشە جاعدايلاردىڭ الدىن الۋ ءۇشىن قالا تجد ماماندارى مىنالاردى ۇسىنادى:
- ارنايى بەلگىلەنگەن جەرلەردە شومىلۋ؛
- ىشىمدىك ىشكەن كۇيدە شومىلۋعا بولمايدى؛
- اشىق جەردە (مۇزدا) سۋعا تۇسۋگە ارنالىپ جابدىقتالعان ورىندا 3 ادامنان ارتىق بولماۋى كەرەك؛
- شومىلۋدان بۇرىن دەنەنى جىلىتۋ ماڭىزدى، جۇگىرۋ ارقىلى قىزدىرۋ كەرەك؛
- دارىگەرلەر مەن قۇتقارۋشىلار بار جەردە سۋعا ءتۇسۋ؛
- سۋعا ءتۇسىپ بولعاننان كەيىن، قۇرعاق سۇلگىمەن ءسۇرتىنىپ،قۇرعاق كيىم كيىپ، جىلى شاي ىشكەن ءجون.
پراۆوسلاۆتاردىڭ شوقىندىرۋ كۇنى سۋعا ءتۇسۋ ءراسىمى 19 قاڭتاردا اتاپ وتىلەدى.