الماتى قالاسى مەملەكەتتىك ارحيۆىندە قازاقستاننىڭ ەڭبەك سىڭىرگەن قايراتكەرى، ءى دارەجەلى «بارىس» جانە «پاراسات» وردەندەرىنىڭ يەگەرى، «فرانس كافكا اتىنداعى التىن مەدال» سىيلىعىنىڭ، «پلاتينا تارلان» سىيلىعىنىڭ، «حالىقتىڭ سۇيىكتىسى» ۇلتتىق سىيلىعىنىڭ لاۋرەاتى، اقىن ءشومىشباي سارييەۆتىڭ قۇرمەتىنە «دۇنيەنى جالت قاراتسام دەپ ەدىم...» اتتى مۋزەي-بۇرىشى اشىلدى.
سالتاناتتى ءىس-شاراعا الماتى قالاسى اكىمىنىڭ ورىنباسارى ارمان قىرىقبايەۆ، اقىننىڭ جۇبايى جۇماكۇل سارييەۆا، سونداي- اق جاقىندارى، دوستارى مەن زيالى قاۋىم وكىلدەرى قاتىستى.
«قازاق حالقىن جارتى عاسىرداي انىمەن تەربەگەن ۇلتتىڭ اسا كورنەكتى اقىنى ءشومىشباي ناعاشىبايۇلىن بىلمەيتىن قازاق جوق شىعار. بۇگىنگى ءىس-شارانىڭ ماڭىزى جوعارى، ءارى ءوزىنىڭ باقيلىق بولعان كۇنىنە سايكەس كەلىپ وتىر. ماڭگىلىك ءومىرى حالىقتىڭ ءجۇرەگىندە، ءدال وسى ارحيۆ عيماراتىندا جالعاسا بەرەتىنىنە سەنىمدىمىز. ول اڭىز ادام ەدى. ارتىندا مول دۇنيە قالدىردى. قازاقتىڭ ماڭداي الدى، كۇمىس كومەي، جەز تاڭداي ونەر جۇلدىزدارى شىرقاپ جۇرگەن تالاي ءاندى شىعارعان. حالىق اۋزىندا جۇرگەن كوپتەگەن ءانى وسى اقىننىڭ قالامىنان شىققان. قازاقتىڭ رۋحىن كوتەرۋگە، مۋزىكالىق تالعامىن، ىشكى مادەنيەتىن قالىپتاستىرۋعا ايرىقشا ەڭبەك سىڭىرگەن بولاتىن. ءدال وسى سەبەپتى اقىننىڭ بۇل ارحيۆتە تۇرعان ەڭبەكتەرى ءۇلكەن قۇندىلىققا يە»، – دەدى ارمان ورازباي ۇلى.
ءيا، الماتى قالاسىنىڭ مەملەكەتتىك ارحيۆىندە №650 بولىپ تىركەلگەن بۇرىشتىڭ ماڭىزى ەرەكشە. مۋزەي-بۇرىشىنا ءشومىشباي ناعاشىباي ۇلىنىڭ قۇندى قۇجاتتارى، ەڭبەكتەرى، ءوزىنىڭ قولدانعان جەكە زاتتارى قويىلىپ وتىر. وسى ورايدا اقىننىڭ جۇبايى جۇماگۇل سارييەۆا دا ءسوز الدى.
«بۇل كۇن مەن ءۇشىن ەرەكشە، ءارى تاريحي كۇن بولىپ وتىر. العاش 2014 جىلى وسى ارحيۆكە قۇندى قولجازبالارىن، باعالى قۇجاتتارىن تاپسىرعان بولاتىنمىن. وسى ۋاقىت اراسىندا 135-كە جۋىق زاتىن تاپسىردىم. ونىڭ ىشىندە وتىزعا جۋىق كىتابى قويىلعان. قولدانعان جەكە زاتتارىنىڭ قاتارىندا شاپانىنا دەيىن بار. الداعى ۋاقىتتا دا تولىقتىراتىن بولامىن. ءشومىشبايدى حالىق «قوس قاناتتى اقىن» دەپ اتاپ كەتكەن. ءبىر قاناتى – پوەزيا بولسا، ەكىنشى قاناتى – ءان جانرى. قانشاما جىل وتسە دە ونىڭ جازعان اندەرى حالىق اۋىزىنان تۇسكەن ەمەس. مەنىڭ اسۇيىمدە تاڭەرتەڭنەن قازاق راديوسى ويناپ تۇرادى، سول جەردەن ءشومىشبايدىڭ انىمەن ورازامدى اشام دەسەم دە بولادى. كەلەشەك ۇرپاق ءۇشىن ماڭىزى جوعارى وسىنداي بۇرىشتى اشۋعا قولداۋ كورسەتكەن الماتى قالاسىنىڭ اكىمدىگىنە ريزاشىلىعىمدى ءبىلدىرەمىن»، – دەدى اقىن جارى.
الماتى قالاسى مەملەكەتتىك ءارحيۆتىڭ جيناقتاۋ ءبولىمىنىڭ باسشىسى ناعيما نۇعمانوۆا دا بۇرىشتىڭ ماڭىزدىلىعىن اتاپ ءوتتى. ال ق ر مەملەكەتتىك سىيلىعىنىڭ يەگەرى، حالىق ءارتيسى ماقپال ءجۇنىسوۆا اقىننىڭ سوزىنە جازىلعان ءاندى شىرقاپ، قۇلاق قۇرىشىن قاندىردى.
«مەنىڭ دە ونەر جولىمداعى باعىمدى اشقان وسى كىسىنىڭ اندەرى ەدى. رەپەرتۋارىمدا ءشومىشباي اعانىڭ سوزىنە جازىلعان وتىزعا جۋىق ءان بار. ول اندەردى ءالى دە ساحنادا شىرقاپ ءجۇمىن. بۇنداي ۇلى تۇلعانىڭ ءانىن شىرقاپ جۇرەگەنىمدى ماقتان تۇتامىن. ءبىز ءشومىشباي ناعاشىبايۇلىن ەشقاشان دا ۇمىتپايمىز»، – دەدى ءانشى.