ءۇش كۇن ىشىندە 17 قوناق انىقتالدى.
ولاردىڭ جەتەۋى كۋرەر قىزمەتىن اتقارعان، – دەپ حابارلايدى Almaty-akshamy.kz Polisia.kz مالىمەتىنە سىلتەمە جاساپ.
كوشى-قون قىزمەتىنىڭ مالىمەتىنشە، الماتىدا جۇرگىزىلگەن رەيدتەر بارىسىندا زاڭسىز ەڭبەك قىزمەتىن جۇزەگە اسىرعان شەتەلدىك ازاماتتار انىقتالدى. ءۇش كۇن ىشىندە وزبەكستاننان، تاجىكستاننان، قىرعىزستاننان، تۇرىكمەنستاننان جانە ءۇندىستاننان كەلگەن 17 قوناق انىقتالدى، ولاردىڭ 10-ى جەكە تاسىمالداۋمەن اينالىسسا، تاعى جەتەۋى جەتكىزۋ قىزمەتىنىڭ كۋرەرى بولىپ جۇمىس ىستەدى.
قابىلدانعان شارالار ناتيجەسىندە قۇجاتى جوق 9 شەتەل ازاماتى پد-نىڭ قابىلداپ-تاراتۋىنا ورنالاستىرىلدى، ال سەگىزىنە قاتىستى ۋاقىتشا تۇرۋعا رۇقسات بەرۋ ءوتىنىشى كەزىندە كورسەتكەن ماقساتتارعا سايكەس كەلمەۋ دەرەگى بويىنشا اكىمشىلىك ماتەريالدار جينالدى.