الماتىدا شەتەلدىكتەر ءۇشىن جاڭا تۋريستىك تولەم بەلگىلەنەدى

الماتىدا شەتەلدىكتەر ءۇشىن جاڭا تۋريستىك تولەم بەلگىلەنەدى سۋرەت: Almaty-akshamy.kz

الماتى ءماسليحاتى مەگاپوليسكە كەلەتىن شەتەلدىكتەردەن 1725 تەڭگە كولەمىندە جاڭا تۋريستىك جارنا الۋ تۋرالى جوبانى قوعامدىق تالقىلاۋعا شىعاردى، دەپ حابارلايدى almaty-akshamy.kz


الماتى ءماسليحاتى تۋريستىك الىم مولشەرلەمەلەرى وتكەن جىلدىڭ سايكەس كەزەڭىمەن سالىستىرعاندا وزەكتى ستاتيستيكالىق دەرەكتەر نەگىزىندە ايقىندالاتىنىن ءتۇسىندىردى.
بۇل رەتتە، شەتەلدىكتەر ءۇشىن تۋريستىك سالىقتى تولەۋ قاعيدالارى وتكەن كۇنتىزبەلىك جىلدىڭ سايكەس كەزەڭىمەن سالىستىرعاندا تۋريستەردى ورنالاستىرۋ ورىندارىندا شەتەلدىك تۋريستەر سانى ارتقان جاعدايدا تۋريستىك سالىقتىڭ مىناداي مولشەرلەمەلەرىن بەلگىلەيدى: 5%-عا دەيىن – 0،2 اەك مولشەرىندە؛ 5-تەن 10%-عا دەيىن – 0،3 اەك مولشەرىندە؛ 10-نان 15%-عا دەيىن – 0،4 اەك مولشەرىندە؛ 15% جانە ودان جوعارى - 0،5 اەك مولشەرىندە.
«ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ دەرەكتەرىنە سايكەس ەكى كەزەڭمەن سالىستىرعاندا (2021/2022جانە 2022/2023 جىلدار) الماتى قالاسىندا كەلۋ ءتۋريزمى بويىنشا قىزمەت كورسەتىلگەن كەلۋشىلەر سانى 15% - دان اسادى. وسىعان بايلانىستى جوبا تۋريستەردى ورنالاستىرۋ ورىندارىندا شەتەلدىكتەر ءۇشىن تۋريستىك جارنا مولشەرلەمەسىن تۋريستەردى ورنالاستىرۋ ورىندارىندا بولعان ءاربىر تاۋلىك ءۇشىن 0،5 ايلىق ەسەپتىك كورسەتكىش مولشەرىندە بەكىتۋدى كوزدەيدى»،-دەلىنگەن قۇجاتتا.
شەتەلدىكتەر ءۇشىن تۋريستىك الىم قالالار مەن وبلىستارداعى حوستەلدەردى، قوناق ۇيلەردى، جالعا بەرىلەتىن تۇرعىن ۇيلەردى قوسپاعاندا، تۋريستەردى ورنالاستىرۋ ورىندارىندا بولعان ءاربىر كۇن ءۇشىن تۋريستەردەن الىنادى. تولەنەتىن تۋريستىك الىم سوماسى تۇرۋ قۇنىنا ەنگىزىلمەيدى.
قۇجات اشىق نقا ۆەب-سايتىندا 28 تامىزعا دەيىن ورنالاستىرىلعان.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24