اتالعان ساپاردا ق ر ييدم باسشىسى باۋىرلاس مەملەكەتتىڭ كولىك ينفراقۇرىلىمى جۇيەسىمەن تانىسىپ، ازەربايجان رەسپۋبليكاسىنىڭ سيفرلىق دامۋ جانە كولىك مينيسترىمەن كەزدەستى
بۇل ورايدا مارات قارابايەۆ قاپ تاۋى وڭىرىنە قۇرامىندا تحكب حالىقارالىق قاۋىمداستىعىنىڭ، «قازاقستان تەمىر جولى» ۇك» اق، اقتاۋ جانە قۇرىق تەڭىز پورتتارىنىڭ، رەسپۋبليكانىڭ ءىرى ونەركاسىپ، ءوندىرۋشى جانە كولىك-لوگيستيكالىق كومپانيالارىنىڭ وكىلدەرىنەن تۇراتىن قازاقستاندىق دەلەگاسيانى باستاپ باردى، دەپ حابارلايدى Almaty-akshamy.kz.
ەلىمىزدەن بارعان جۇمىس توبى باكۋ حالىقارالىق ساۋدا پورتىنا، كەمە جاساۋ زاۋىتىنا، اپشەرون لوگيستيكالىق ورتالىعىنا، گوۆسان پورتىنا مەن باش-اليات ستانساسىنا ايالدادى. سونداي-اق ق ر يندۋستريا جانە ينفراقۇرىلىمدىق دامۋ ءمينيسترى باكۋدەگى تەمىرجول ۆوكزالىنا بارىپ، شۆەيساريالىق Stadler كومپانياسى وندىرەتىن جولاۋشىلار ۆاگوندارىن باعامداپ شىقتى.
سونداي-اق م.قارابايەۆ ءازىربايجاننىڭ سيفرلىق دامۋ جانە كولىك ءمينيسترى راشاد ءنابييەۆپەن كەزدەستى. تاراپتار كولىك-لوگيستيكا سالاسىنداعى ىنتىماقتاستىقتى ودان ءارى تەرەڭدەتۋ پەرسپەكتيۆالارىن تالقىلادى.
ق ر ييدم باسشىسى ەكى ەلدىڭ ترانسكاسپيي حالىقارالىق كولىك باعىتىن دامىتۋداعى جەتىستىكتەرىنە توقتالدى. سونىمەن بىرگە ول ترانزيتتىك الەۋەتتى كەڭەيتۋ كاسپيدىڭ ماڭىنداعى مەملەكەتتەردىڭ دوستىق بايلانىسىن نىعايتۋداعى باسىم ءمىندەتتەردىڭ ءبىرى ەكەنىن جەتكىزدى.
كەلىسسوزدەر بارىسىندا ۆەدومستۆو باسشىسى ازەربايجاندىق ارىپتەسىنە ترانسكاسپيي حالىقارالىق كولىك باعىتىن دامىتۋ بويىنشا جاڭارتىلعان جول كارتاسىنىڭ جوباسىمەن تانىستىردى. اتالعان قۇجاتقا تحكب قاتىسۋشى مەملەكەتتەرى قول قويادى دەپ كوزدەلگەن.
«قۇجات ماۋسىم ايىنداعى كەزدەسۋدىڭ قورىتىندىسى بويىنشا قازاقستان مەن ءازىربايجاننىڭ ۇكىمەت باسشىلارىنىڭ تاپسىرماسى اياسىندا ازىرلەندى. وندا ەۋروپا – ورتالىق ازيا كولىك بايلانىسى تۋرالى ەقدب-نىڭ ساراپتامالىق ەسەبىندە كورسەتىلگەن تاسىمالداردى كەشەندى دامىتۋ ۇسىنىستار ەسكەرىلدى»، دەدى ق ر يندۋستريا جانە ينفراقۇرىلىمدىق دامۋ ءمينيسترى.
كەزدەسۋءدىڭ سوڭىندا م.قارابايەۆ ءتۇبى ءبىر باۋىرلاس ەلدەردىڭ ءوزارا ءتيىمدى ىنتىماقتاستىعى نىعايا تۇسەتىنىنە سەنىم ءبىلدىرىپ، ارىپتەسىن استانادا وتەتىن 26-شى TransLogistica Kazakhstan-2023 حالىقارالىق كورمەسىنە قاتىسۋعا شاقىردى.