الماتىدا شەتەلدىك كومپانيالارعا كيبەرشابۋىل جاسادى دەگەن كۇدىكتى ۇستالدى، دەپ حابارلايدى Aqshamnews.kz.
ۇلتتىق قاۋىپسىزدىك كوميتەتىنىڭ مالىمەتىنشە، شىلدە ايىندا الماتى قالاسىندا شەتەلدىك ارىپتەستەرمەن بىرلەسىپ جۇرگىزىلگەن وپەراسيا ناتيجەسىندە قازاقستان ازاماتى قولعا تۇسكەن. وعان كومپيۋتەرلىك قىلمىس جاساعان دەگەن ايىپ تاعىلدى
تەرگەۋ ماتەريالدارىنا سايكەس، كۇدىكتى شەتەلدىك كومپانيالاردىڭ سەرۆەرلەرىنە زاڭسىز كىرىپ، زياندى باعدارلامالار ورناتىپ، ماڭىزدى دەرەكتەردى شيفرلاعان. كەيىن ول اقپاراتتاردى قالپىنا كەلتىرۋ ءۇشىن كريپتوۆاليۋتا تۇرىندە اقى تالاپ ەتكەن.
ۇقك اتاپ وتكەندەي، ءتىنتۋ كەزىندە كۇدىكتىنىڭ كيبەرشابۋىل جاساۋ كەزىندە پايدالانعان زاتتاي ايعاقتارى تاركىلەنگەن.