الماتىدا شەتەلدىك كولىكتەر ءۇشىن جەدەل جەلى قوسىلدى

قالادا باسقا ەلدەردە تىركەلگەن كولىك قۇرالدارىن پايدالانۋ ەرەجەلەرى تۇسىندىرىلەدى

الماتى پوليسياسىندا شەتەلدىك كولىك يەلەرى ءۇشىن جەدەل جەلى تەلەفونى جۇمىس ىستەيدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«الماتىدا باسقا ەلدەردە تىركەلگەن كولىك قۇرالىن پايدالانۋ ەرەجەلەرىن تۇسىندىرۋگە ارنالعان سall-ورتالىقتارى جۇمىس ىستەيدى. اكىمشىلىك پوليسيا باسقارماسىنىڭ مالىمەتىنشە، اۋىزشا كەڭەستى 8-747-733-10-20 تەلەفون ءنومىرى ارقىلى الۋعا بولادى»،- دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.

بۇعان دەيىن ق ر ىشكى ىستەر مينيسترلىگى رەسەيلىك ءنومىرلى كولىكتەردى تىركەۋدە ەشقانداي جەڭىلدىكتىڭ بولمايتىنىن ءمالىم ەتكەن بولاتىن.

ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى سەرىك ءتۇسىپوۆتىڭ ايتۋىنشا، قازاقستان اۋماعىنا سىرتتان اكەلىنگەن كەز كەلگەن كولىك زاڭعا ساي تىركەۋدەن ءوتۋى ءتيىس. جانە تالاپ بارلىق ازاماتتارعا ورتاق. ياعني كولىك تىركەۋگە قاتىستى زاڭدا بەلگىلى ءبىر ساناتتاعى ازاماتتارعا جەڭىلدىك جاعى قاراستىرىلماعان.

سوندىقتان دا ەلىمىزدە تىركەلمەگەن كولىك يەلەرى ەرەجەگە باعىنۋى كەرەك. ولاي بولماعان جاعدايدا زاڭ اياسىندا اۆتوكولىگى تاركىلەنىپ، يەسىنە ايىپپۇل سالىنادى. ايتا كەتسەك، قازاقستاندا جۇرگەن رەسەيلىك ءنومىرلى 88 مىڭ كولىكتىڭ تىركەۋدەن شىعارىلعانى انىقتالدى.