پسيحولوگتار كۇيزەلىستەن ارىلۋدىڭ ءبىر جولى ويدى قاعازعا جازۋ ەكەنىن ايتادى
نوۋتبۋكتەر، پلانشەتتەر مەن ەلەكتروندى رەداكتورلار قالام، قارىنداشتى بىرتە-بىرتە ىسىرىپ، قولدانىسقا قالاي ەنگەنىن، ويىمىزدى قاعازعا ءتۇرتىپ قويۋداي قالاي اجىراپ قالعانىمىزدى بايقاماي قالدىق. قولدان جازعاننىڭ شىن مانىندە پايداسى بارىن دالەلدەيتىن فاكتىلەر دە بار.
- وسى ادىسپەن اقپاراتتى جاقسىراق ەستە ساقتايمىز
جازۋ كەزىندە رەتيكۋليارلى بەلسەندى جۇيە دەپ اتالاتىن ميدىڭ ەرەكشە بولىگى ىسكە قوسىلادى. ول فيلتر رەتىندە قىزمەت ەتەدى – باسقا اقپاراتتىڭ وڭدەلۋىن بولدىرمايدى. قارىنداش نەمەسە قالاممەن قاعازعا جازۋ ارقىلى ءبىز نازارىمىزدى جاقسىراق شوعىرلاندىرىپ، ميدى جازىپ وتىرعانىمىزعا بار زەيىنمەن مۇقيات قاراۋعا ءماجبۇر ەتەمىز.
ۆاشينگتون ۋنيۆەرسيتەتىنىڭ سيحولوگى ۆيردجينيا بەرنينگەر قالام جانە پەرنەتاقتا اراسىنداعى ايىرماشىلىقتى بىلاي تۇسىندىرەدى: «قالاممەن جازۋدا كوبىرەك قيمىل جاسايسىز، ويتكەنى ءار ءارىپتىڭ وزىندىك ەلەمەنتتەر جيىنتىعى بار، ال كومپيۋتەردە جۇمىس مونوتوندى — ءار جولى ءسىز تەك پەرنەنى باسۋىڭىز كەرەك». سونىمەن قاتار، كالليگرافيا ساباقتارى ديسلەكسيامەن كۇرەسۋگە كومەكتەسەدى.
- ءبىز ءوزىمىزدىڭ سويلەۋىمىزدى (ءسوزىمىزدى) جاقسارتامىز
كوپتەگەن بەلگىلى تۇلعالار (ترۋمان كاپوتە، ۆۋدي اللەن، سيۋزان زونتاگ) كەيبىر ارىپتەستەرى كلاۆياتۋراعا كوشسە دە، روماندارى مەن پەسالارىن قولدان جازۋدى ءجون كورگەن.
ۆاشينگتون ۋنيۆەرسيتەتىنىڭ پسيحولوگتارى مەكتەپ وقۋشىلارىنىڭ قولدان جازعان ەسسە ءماتىنىنىڭ مازمۇنى الدەقايدا باي ءارى مازمۇندى بولىپ، شىعارمالارىن كومپيۋتەرمەن تەرگەن قاتارلاستارىنا قاراعاندا ولار الدەقايدا كۇردەلى ءسوز قولدانىستارى مەن الدارىنا قويىلعان مىندەتتەرىن تەزىرەك ورىنداعانىن انىقتاعان.
- ويدى قاعازعا قالاممەن جازعاندا بىزگە نازار شوعىرلاندىرۋ وڭايىراق
كومپيۋتەرمەن جۇمىس ىستەۋ ءبىزدىڭ سەنسورلىق جۇيەمىزگە كۇش تۇسىرەدى. ەكراننىڭ جىپىلىقتاۋى، كۋرسوردىڭ قوزعالىسى، كەز كەلگەن اقپاراتتىڭ ءبىر رەت شەرتۋدەن وڭاي تابىلا كەتۋى – وسىنىڭ ءبارى شىعارماشلىققا دەگەن قابىلەتتى باسا تۇسەدى. ال ادامنىڭ الدىندا قاعاز بەن قالام بولعان كەزدە، مي قوسىمشا ستيمۋلياسيا المايدى جانە ءوزىنىڭ رەسۋرستارىن ناقتى ءبىر ماقساتتارعا باعىتتايدى. .
- ءبىز سترەسستەن ارىلامىز
ادام ءوزىنىڭ باسىنداعى الاڭداۋشىلىقتارى مەن ويلارىن قاعازعا ءتۇرتىپ قويۋ ادەتى ولاردىڭ وتكىرلىگىن تومەندەتەدى. ەكسپرەسسيۆتى پسيحوتەراپيا ءادىسىنىڭ اۆتورى ناتالي رودجەرس كۇندەلىك جازۋدى ءوزىن-وزى كورسەتۋدىڭ جانە شىعارماشىلىق ەنەرگيانى وياتۋدىڭ ماڭىزدى ءادىسى رەتىندە قاراستىردى. قولمەن ءجيى ءوزىڭىزدى جەكە تۇلعا رەتىندە كورسەتۋدى بىلدىرەدى. ول ارىپتەردىڭ ءپىشىنى مەن كولەمىندە، قولجازبانىڭ ەركىن سويلەۋىندە، بەتتەگى ءماتىننىڭ ورنالاسۋىندا كورىنەدى.
5. مي ۇزاق ۋاقىت بويى جاس بولىپ قالادى
جازۋ بارىسىندا ءبىز ميدىڭ ويلاۋمەن، تىلمەن جانە جۇمىس جادىنا بايلانىستى ءارتۇرلى ايماقتارىن قولدانامىز. ەگەر سىزگە ءجيى-جيى قولمەن جازۋىڭىز كەرەك بولسا، مي قوسىمشا جاتتىعۋلار الادى. پسيحولوگتار تانىمدىق قابىلەتتەر مەن جازۋ داعدىلارى اراسىنداعى بايلانىسقا نازار اۋداردى.
بۇگىنگى تاڭدا كوپتەگەن ادامدار كومپيۋتەرگە اۋىسقان كەزدە، قولمەن جازىلعان داعدىلاردى جاتتىقتىرۋ اقىل-ويدىڭ وتكىرلىگىن ساقتاۋ ءۇشىن پايدالى جاتتىعۋ بولا الادى.