«يننوۆاسيالىق تەحنولوگيالار پاركى» ارنايى ەكونوميكالىق ايماعىندا ەلەكتروتەحنيكالىق جابدىقتار مەن ەلەكتر ەنەرگياسىن تاراتۋ جۇيەلەرىن شىعاراتىن زاۋىت ىسكە قوسىلدى، Almaty-akshamy.kz
ينۆەستيسيالىق جوبانى 1976 جىلدان باستاپ مۇناي - گاز جانە ەلەكتروتەحنيكالىق ونىمدەر نارىعىندا بەلسەندى ويىنشى بولىپ تابىلاتىن مالايزيالىق كومپانيانىڭ ورتالىق ازيا وكىلدىگى – «OISB Kazakhstan» ج ش س جۇزەگە اسىرىپ كەلەدى. ءوندىرىس پروسەسىندە «RAWAK SMART» تومەن ۆولتتى جۇيەسىنىڭ يننوۆاسيالىق تەحنولوگياسى قولدانىلاتىن بولادى.
جوبانى ىسكە اسىرۋعا الاڭى 0،6 گا جەر ۋچاسكەسى ءبولىندى، جوبانىڭ قۇنى 980 ملن تەڭگە، مۇندا 50 جۇمىس ورنى اشىلاتىن بولادى. كاسىپورىننىڭ وندىرىستىك قۋاتى جىلىنا 2 مىڭعا جۋىق ءونىم شىعارۋعا ەسەپتەلگەن.
«يتپ» ارنايى ەكونوميكالىق ايماعى الماتىنىڭ مەدەۋ اۋدانىنداعى 163 گا اۋماقتا ورنالاسقان.مەملەكەت تاراپىنان ينجەنەرلىك-كوممۋنالدىق ينفراقۇرىلىمنىڭ، ءبىرىنشى كەزەكتەگى عيماراتتاردىڭ، اكىمشىلىك كەڭسەنىڭ قۇرىلىستارى جۇزەگە استى. «يتپ» اەا قاتىسۋشىلارىنا سالىق جانە كەدەندىك جۇكتەمەنى تومەندەتۋ بولىگىندە ءتۇرلى پرەفەرەنسيالار مەن جەڭىلدىكتەر بەرىلەدى.
بۇگىندە «يتپ» اەا رەزيدەنتتەرى -160 كومپانيا ولاردىڭ 55ء-ى (Kolesa Group، Azimut Labs، PayBox، جەكە كاسسا جانە ت. ب.). «يتپ» اەا اۋماعىندا ورنالاسقان، قالعان 105 كومپانيا (Kaspi Cloud، Eltex Alatau، Nero Lab، Asaq، prima Group، Almaty Enterprising Company جانە ت. ب.) باعدارلامالىق قامتاماسىز ەتۋدى ازىرلەۋ سالاسىندا قىزمەتتەرىن «ەكساۋماقتىلىق» قاعيداتى بويىنشا جۇزەگە اسىرادى.
اەا قۇرىلعان ساتتەن باستاپ ونىڭ قاتىسۋشىلارى 6 727 جۇمىس ورنىن قۇردى، 50،69 ملرد.تەڭگە ينۆەستيسيا تارتتى، 34،7 ملرد. تەڭگە سوماسىندا سالىق جانە بيۋدجەتكە تولەمدەر ءتۇستى، 493،7 ملرد. تەڭگەنىڭ ءونىمى شىعارىلدى، وزگە دە قىزمەتتەر كورسەتىلدى، ەكسپورت كولەمى 7،46 ملرد. تەڭگەنى قۇرادى.