الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا شەكتەۋ شارالارىنىڭ نەلىكتەن ۇزارعانىن ءتۇسىندىردى دەپ حابارلايدى almaty-akshamy.kz
جانداربەك بەكشين بۇل شەشىمنىڭ كوروناۆيرۋستىق ينفەكسياسى ەپيدەميولوگيالىق احۋالىنىڭ ۋشىعۋىنا، حالىق اراسىندا «دەلتا» نۇسقاسىنىڭ تەز تارالۋىنا جانە كلينيكالىق سيمپتومدارى بار ناۋقاستاردىڭ 94%-عا دەيىن وسۋىنە بايلانىستى ۇزارعانىن ايتتى.
«الماتىدا ەپيدەميولوگيالىق جاعدايدى تۇراقتاندىرۋ، اسىرەسە ءبىلىم بەرۋ مەكەمەلەرىندە وقىتۋدى شتاتتى رەجيمدە ۇيىمداستىرۋ قاجەت»، - دەپ ءتۇسىندىردى جانداربەك بەكشين.
سوندىقتان الماتىدا قولدانىستاعى شەكتەۋ شارالارى 31 تامىزدى قوسا، ايدىڭ سوڭىنا دەيىن ۇزارتىلدى.
الەۋمەتتىك-ەكونوميكالىق نىساندار «قويۋ قىزىل ايماققا» قويىلاتىن تالاپتارعا سايكەس جۇمىس ىستەيدى.
«Ashyq كوشباسشىلارى» مارتەبەسى بار وبەكتىلەرگە ساعات 00.00-گە دەيىن جۇمىس ىستەۋگە رۇقسات ەتىلەدى ، مۇندا نىسان ءىشىنىڭ كەلۋشىلەرگە تولۋى 10%-عا دەيىن ارتۋى ءارى مەديسينالىق قارسىلىقتارى بارلاردى قوسپاعاندا پەرسونالدىڭ 90 پايىزى ۆاكسينالانۋى جانە سوڭعى 3 اي ىشىندە اۋىرىپ ەمدەلگەندەردىڭ قاتارى 20% بولۋى ءتيىس. Ashyq جوباسىندا جۇمىس ىستەيتىن باسقا نىساندارعا ساعات 22.00-گە دەيىن جۇمىس ىستەۋگە رۇقسات ەتىلگەن.
Ashyq-قا قاتىسپايتىن مەنشىك نىسانىنا قاراماستان بارلىق كاسىپورىندار مەن ۇيىمداردىڭ قىزمەتىن توقتاتۋ جالعاسا بەردى.
ق ر باس مەملەكەتتىك سانيتارلىق دارىگەرىنىڭ 2021 جىلعى 29 شىلدەدەگى №33-قاۋلىسىنىڭ 9-تارماعىنىڭ 4-بولىگىندە كورسەتىلگەن ۇيىمدار مەن وبەكتىلەردەن وزگە Ashyq جوباسىنا قاتىسۋشىلاردىڭ بارلىق كاسىپورىندارى مەن ۇيىمدارى 2021 جىلدىڭ 17-31 تامىزى ارالىعىندا سەنبى، جەكسەنبى جانە مەرەكە كۇندەرى جۇمىستارىن توقتاتادى.
قالا ساياباقتارىندا جاي كۇندەرى، دەمالىس جانە مەرەكە كۇندەرى، اتتراكسيوندار، بولشەك ساۋدا جانە قوعامدىق تاماقتانۋ ورىندارىنىڭ قىزمەتتەرىنە تىيىم سالۋ كۇشىندە قالادى.
سونداي-اق، الماتى قالاسىنىڭ باس سانيتارلىق دارىگەرىنىڭ قاۋلىسى بويىنشا تۇراقتى مەديسينالىق قارسى كورسەتكىشتەرى بار جانە سوڭعى 3 ايدا ەمدەلىپ شىققانداردى قوسپاعاندا، مۇعالىمدەر مەن تەحنيكالىق قىزمەتكەرلەردى، جاتاقحانالار مەن اسحانالاردىڭ قىزمەتكەرلەرىن ۆاكسينالاۋدى اياقتاۋ قاجەت ەكەندىگى كورسەتىلگەن. مەديسينالىق قارسى كورسەتكىشتەرى بار ءارى 3 ايدا ەمدەلگەن ناۋقاستاردى قوسپاعاندا 18 جاستان اسقان ستۋدەنتتەرگە ەكپە سالۋدى اياقتاۋ قاجەت.
سونىمەن قاتار، قاۋلىدا ستۋدەنتتەر كوپ جينالاتىن جەرلەردە – اسحانالاردا، دارەتحانالاردا، دەمالىس ورىندارىندا اۋا رەسيركۋلياتورلارىن ورناتۋ بويىنشا ۇسىنىلادى؛ مەكتەپتەردە باستاۋىش، ورتا جانە جوعارى سىنىپ وقۋشىلارى بولەك ەسىكتەردەن ىشكە كىرۋلەرى ءتيىس. ج. بەكشين بارلىق مەكتەپتەردىڭ قىزمەتكەرلەرى مەن وقۋشىلارىن كۇن سايىن تاڭەرتەڭگىلىك فيلترلەۋدەن وتكىزۋدى ۇسىنادى.