جاقسى ادام!
امان اعا اقكوڭىل ادامعا جاناشىر اسىل تۇلعالاردىڭ ءبىرى. عاسىرىندا ءبىر تۋار اردا ازامات. ناعىز قازاقتى ادامعا جاناشىر جان. اسىرەسە، جاستارعا قامقورلىعىندا شەك جوق. كوپتەن بەرى جاقسى ادام تۋرالى جازعىم كەلىپ ءجۇر ەدى. بۇگىنگى ماقالامدى امانحان ءالىمۇلىنا ارنايمىن.
الماتىعا العاش كەلگەن كەزىم. ءبىر شارۋالارمەن جەلتوقسان 175 عيماراتقا باردىم. ءبىر شەتىندە تەلەارنالار، ەندىگىسىندە راديو جاعى ورنالاسىپتى. كونە تارتقان عيمارات بولسادا، ءبىرشاما تاريحتىڭ سىرلارىن اڭعارتۋدا. ءسويتىپ، وسى عيماراتتىڭ ءتورتىنشى قاباتىنداعى «قازاق گازەتتەرى» رەداكسياسىنا باس سۇقتىم. قابىلداۋدا وتىرعانمىن. ءوز كەزەگىمدى كۇتىپ. سول كەزدە، ۇستىندە قارا پالتوسى، باسىندا قارا شاپكاسى، كوزىندە ۇلكەندەۋ كوز اينەك كيگەن ۇلكەن كىسى كىرىپ كەلدى. ءبىراز ەنتىككەن ەكەن. وسىلايشا، مەن وتىرعان ديۆانعا جايعاستى. اقجارقىن ءجۇزدى كىسى بولاتىن. جاس كەزىندە ءتورتىنشى قاباتقا جىلدام كوتەرىلىپ، جۇگىرىپ تۇسە بەرەتىنىن ايتىپ ازىلدەپ قويادى. بالكىم، بىزدەردىڭ جاس كەلبەتىمىزگە قاراتا ايتقانىن وسى كۇنى تۇسىنۋدەمىن. ارى قاراي تانىستىق جالعاستى.
اعامىز ول كەزدەرى «اقيقات» جۋرنالىنىڭ باس رەداكتورى ەدى. مەنى ءاردايىم قولداپ، جازۋعا ۇيرەتە باستادى. ءارقاشان، ۇلتتىق مۇددە، ۇلتتىق بولمىس پەن قاستەرلى قازاقى دۇنيەتانىمعا جاقىن بولۋ كەرەكتىگىن ايتاتىن. كابينەتىنە بارا قالساڭىز، ەش قىلىسماي، ەش ىڭعايسىزدانباي كىرەتىنبىز. ۇنەمى جىلى جۇزىمەن، اقجارقىن كوڭىلىمەن قارسى الاتىن. ول كىسىنىڭ قولداۋىمەن قالاماقىعا جازىپ جۇردىك. ماقالانى، قاراپ، تۇزەتۋدەن ەرىنبەيدى. ءوزى قارايدى، تەكسەرەدى. شەبەر جازا ءبىلۋدىڭ جولدارىن ۇيرەتەتىن. ناعىز پەداگوگ دەپ ايتساق ارتىق ايتپاعان بولار ەدىك. ءار بارعان سايىن، جاسىندا كورگەن قيىنشىلىعىن ايتىپ، بۇل كۇندەردە وتەتىنىن موتيۆاسيا رەتىندە ايتاتىن. شىركىن سونداي جاقسى ادام بولاتىن. ماعان ۇنەمى «ولجاس مىنا دۇنيەنى جاقسى ادامدار ۇستاپ تۇرادى. مەن سول جاقسى ادامداردىڭ جاقسىلىعىن كوپ كوردىم» دەيتىن.
بىردە جۋرنالعا دايىنداعان ماتەريالىمنىڭ سۋرەتى بولماي قالىپتى. اعانىڭ ءوزى حابارلاسىپ، نەگە ءوز ماقالاڭنىڭ سوڭىنان ىزدەيتىنىمدى ايتىپ، ءبىراز تەلەفوننان ايتىڭقىرادى. ءسويتىپ سۋرەتتى جىبەردىم. كوپ وتپەي جۋرنالعا شىعىپتى. وزىمدە رەداكسياعا بارىپ قالدىم. سونداعى مەنىڭ امانحان اعاعا ريزا بولعانىمدا شەك جوق. مەن قانشا جاسپىن. تاجىربيەم دە جوق. بۇتكىل التى الاشقا اتى شىققان، اقىن اعا مەنىڭ الدىمدا وتكەندەگى ايتقانى ۋايىمداۋشىلىق، ماعان جان اشۋ ەكەندىگىن ءبىلدىردى. جاقسى ادام. سونداي ريزامىن امانحان اعا سىزگە!
ءاربىر ايتقان وسيەتى، بولاشاققا بايلانىستى يگى ويلارى ماڭگى جادىمىزدا تۇرادى دەمەكپىن.