قولونەر شەبەرلەرى دايىنداعان تۇرمىستىق بۇيىمدارىن قالا قوناقتارىنىڭ نازارىنا ۇسىندى
الماتىدا رەسپۋبليكا كۇنى قارساڭىندا «ۇلى دالا ويىندارى» ۇلتتىق فەستيۆالى ءوتتى، دەپ حابارلايدى اlmaty-akshamy.kz.
ايتۋ كەرەك، بۇل ءىس-شارا 2016 جىلدان بەرى ۇيىمداستىرىلىپ كەلە جاتىر. مادەني شارا بارىسىندا قالا قوناقتارى ۇلتتىق ويىنداردى تاماشالاپ، قازاق حالقىنىڭ سالت-داستۇرىمەن دە كەڭىرەك تانىستى. نەگىزگى ويىنداردان بولەك، فەستيۆالگە كەلۋشىلەر، سونداي-اق، قولونەر شەبەرلەرى دايىنداعان تۇرمىستىق بۇيىمداردىڭ كورمەسىن تاماشالادى.
– ۇلتتىق سپورتى، ءسالت-داستۇردى ۇلگى-ونەگە قىلىپ بارىنە دارىپتەۋ ماقساتىندا الماتى قالاسى اكىمدىگىنىڭ قولداۋىمەن ءىس-شارالار ءوتىپ جاتىر. جامبى اتۋ، تەڭگە ءىلۋ، ساداق اتۋ، اسىق ويناۋ، كۇرەس، كوكپار جانە بايگە سىندى ۇلتتىق سپورت تۇرىنەن جارىس وتەدى ، – دەدى قالالىق بايگە فەدەراسياسىنىڭ پرەزيدەنتى قۋات ۇسەنوۆ.
