بۇگىن ق ر ۇلتتىق كىتاپحاناسىندا ەتنوگراف-عالىم، ولكەتانۋشى، پۋبليسيست سەرىكبول قوندىبايدىڭ عىلىمي مۇراسىن ناسيحاتتاۋ ماقساتىندا «سەرىكبول قوندىبايدىڭ عىلىمي مۇراسى. ۇلتتىق گۋمانيتارلىق ءبىلىم ستراتەگيالارى جانە رۋحانيات» اتتى حالىقارالىق عىلىمي-پراكتيكالىق كونفەرەنسيا ءوتتى، دەپ حابارلايدى Almaty-akshamy.kz.
كونفەرەنسيا بارىسىندا ق ر مەملەكەتتىك سىيلىعىنىڭ يەگەرى، فيلوسوفيا عىلىمدارىنىڭ دوكتورى، پروفەسسور مۇرات ءسابيت، ابايتانۋشى، اعارتۋشى، دراماتۋرگ، اۋدارماشى، باسپاگەر روللان سەيسەنباي، سەرىكبول قوندىبايدىڭ ۇستازى، ءال-فارابي اتىنداعى قازۇۋ پروفەسسورى لاريسا ۆەسەلوۆا، قوعام قايراتكەرى بالسۇلۋ قوندىباي، «اسپانداۋ» ءعىلىمي-بىلىم بەرۋ قورىنىڭ پرەزيدەنتى ارنۇر نۇرقاتوۆ ءسوز سويلەپ، سەرىكبول قوندىبايدىڭ عىلىمي مۇراسىنا توقتالىپ، ءسوز سويلەدى.
سونداي-اق كونفەرەنسيادا 5 تاقىرىپتىق سەكسيا بويىنشا باياندامالار وقىلدى. اتاپ ايتساق، سەرىكبول قوندىباي ەڭبەكتەرىنىڭ ۇلتتىق جانە الەمدىك عىلىمي كەڭىستىكتەگى تاريحي-مادەني ماڭىزى، سەرىكبول قوندىباي جانە تۇرىك-قازاق ميفولوگياسى، ادامزات مادەنيەتىنىڭ دامۋىنداعى ميفولوگيا، ءميفتى زەرتتەۋ جانە فيلوسوفيالىق ءتۇسىنۋ تاريحى جانە قازىرگى ميفولوگيا. جاھاندانۋ جانە كۇندەلىكتى داعدارىس تاقىرىپتارى قامتىلدى.
جيىن «ميفولوگيا: كەشە جانە بۇگىن» اتتى دوڭگەلەك ۇستەلگە جالعاسىپ، كونفەرەنسيادا وقىلعان باياندامالار تالقىلاندى. تالقىلاۋ بارىسىندا ك.ساعادييەۆ اتىنداعى حالىقارالىق بيزنەس ۋنيۆەرسيتەتى ستۋدەنتتەرىنىڭ جوبالارى قاتىسۋشىلار نازارىنا ۇسىنىلدى.
شارا اياسىندا ق ر ۇلتتىق كىتاپحاناسى قورىنان «سەرىكبول قوندىباي الەمى» اتتى ءومىرى مەن شىعارماشىلىعىنا ارنالعان كىتاپ كورمەسى ۇيىمداستىرىلدى.