وتاندىق كومىر نارىعى بويىنشا جول كارتاسى ازىرلەندى. ول بويىنشا كومىر جەتكىزۋشىلەرگە بىرنەشە تالاپ قويىلىپ وتىر. تولىعىراق باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى رۋستام احمەتوۆ بايانداپ بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«كومىر نارىعىندا دەلدالدار ءرولىنىڭ باسىمدىعىن بايقاپ وتىرمىز. ونىڭ سوڭى باعا وسىمىنە الىپ كەلەدى. سونىمەن قاتار وندىرۋشىلەر مەن جەتكىزۋشىلەردە كومىر تاسىمالى بويىنشا پروبلەمالار بار. ايتا كەتسەك، حالىققا كومىر جەتكىزۋدە ۆاگونداردىڭ ازدىعى ماسەلەسى وتكىر تۇر»، - دەدى رۋستام احمەتوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، كومىر نارىعىندا ازىرلەنگەن جول كارتاسى ارقىلى كوتەرمە-بولشەك جەتكىزۋشىلەرگە قويىلاتىن تالاپتاردى بەلگىلەۋ كوزدەلىپ وتىر.
«ءبىز نارىقتان ينفراقۇرىلىمى جوق دەلدالداردى الىپ تاستاۋدى ماقسات ەتىپ وتىرمىز. تاۋار بيرجالارى ارقىلى كومىر وتكىزۋ اراقاتىناسىن رەتتەمەكپىز. ياعني كومىر جەتكىزۋشىلەر ءۇشىن ونى ءوندىرۋشى كومپانيالاردىڭ شيكىزاتىنا تىكەلەي قول جەتكىزۋ مۇمكىندىگى ارتادى. كومىر نارىعىندا شوعىرلانۋدى تومەندەتۋ جاعى دا قاراستىرىلىپ جاتىر. مۇندا ءىرى كومىر كەن ورىندارىن بىرلەسىپ پايدالانۋ جانە كومىر ءوندىرۋ ءۇشىن جەر قويناۋىن پايدالانۋ قۇقىقتارىن بەرۋ جونىندەگى مامىلەگە كەلۋدى ۇسىنامىز»، - دەيدى ول.