مەديسينالىق ساقتاندىرۋ قورىنىڭ الماتى قالالىق فيليالى «اردي» قق بازاسىندا بالالاردى وڭالتۋ، سونىڭ ىشىندە سەرەبرالدى سال اۋرۋىنا شالدىققان بالالارعا ارنالعان رەابيليتاسيا تاقىرىبىندا باسپا ءسوز تۋرىن وتكىزەدى، دەپ حابارلايدى Almaty-akshamy.kz.
بالالار اراسىنداعى مۇگەدەكتىك قازاقستانداعى وزەكتى ماسەلەنىڭ بىرىنە اينالىپ وتىر. ستاتيستيكاعا سۇيەنسەك، ەلىمىزدە 98،2 مىڭنان استام مۇگەدەك بالا ءومىر سۇرەدى. ونىڭ 19 مىڭنان استامىنا بالالاردىڭ سەرەبرالدى سال اۋرۋى دەگەن دياگنوز قويىلعان، دەپ مالىمدەدى مسق الماتى فيليالىنىڭ باسپا ءسوز قىزمەتى
بۇگىندە مەديسينا بۇل دەرتتى تولىق ەمدەپ جازۋعا قاۋقارسىز. ورتالىق جۇيكە جۇيەسىندەگى اقاۋ سالدارىن ساپالى رەابيليتاسيا مەن بالانىڭ ءوز بەتىنشە ءجۇرىپ-تۇرۋ قابىلەتىن دامىتۋ ارقىلى رەتتەۋگە بولادى.
قازىرگى تاڭدا الماتىدا سەرەبرالدى سال اۋرۋىنا شالدىققان بالالاردى وڭالتۋمەن 12 مەديسينا مەكەمەسى اينالىسادى. 2023 جىل باسىنان بەرى 2700-دەن استام وڭالتۋ شاراسى جۇرگىزىلىپ، وعان قور تاراپىنان 652،2 ملن تەڭگە تولەنگەن.
«اردي» قوعامدىق قورى بالالاردى وڭالتۋ مەن دەنساۋلىقتى قالپىنا كەلتىرۋگە باعىتتالعان ەم-دومنىڭ 3ء-شى كەزەڭى بويىنشا قابىلدايدى. ءبىر ايتا كەتەرلىگى، ورتالىق الەۋمەتتىك باعدار ۇستانادى جانە بالالاردى ءمامس پەن قالا اكىمدىگىنىڭ الەۋمەتتىك قورعاۋ باعدارلامالارى نەگىزىندە ەمدەيدى.
ايتا كەتەيىك ءىس-شارا 2023 جىلدىڭ 15-ماۋسىمىندا الماتى قالاسى، نۇرپەيىسوۆ كوشەسى، 2ا مەكەنجايىندا "اردي" قق وتەدى.