الماتىدا سەمسەرلەسۋدەن قازاقستاننىڭ جازعى سپارتاكياداسى باستالدى

وعان 11 ءوڭىردىڭ سپورتشىلارى قاتىسۋدا

الماتىدا سەمسەرلەسۋدەن قازاقستاننىڭ VI جازعى سپارتاكياداسى باستالدى، دەپ حابارلايدى Almaty-akshamy.kz.

سپورتتى دامىتۋ ديرەكسياسىنىڭ باسپا ءسوز قىزمەتىنەن ءمالىم ەتكەندەي، تۋرنير كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات كوللەدجىندە ءوتىپ جاتىر. وعان 11 ءوڭىردىڭ سپورتشىلارى قاتىسۋدا. ءبىرىنشى كۇنى سەمسەرلەسۋ باسەكەسىنىڭ جەڭىمپازدارى مەن جۇلدەگەرلەرى انىقتالدى. ەرلەر اراسىندا 30 ۇمىتكەر، ال ايەلدەر سايىسىندا 29 سپورتشى ب ا ق سىنادى.

ەرلەر:

1 ورىن – تاميرلان قالييەۆ (اباي وبلىسى)

2 ورىن – نيازبەك سافينوۆ (اباي وبلىسى)

3 ورىن – نيكيتا پونوماريەۆ (شقو)

3 ورىن – عالىم نۇرىموۆ (الماتى)

ايەلدەر:

1 ورىن – سوفيا اقتايەۆا (الماتى)

2 ورىن – كۇلجان تۇسىپبەكوۆا (اباي وبلىسى)

3 ورىن – الينا يسكاندەروۆا (شقو)

3 ورىن – اياۋلى وتەۋلەنوۆا (اباي وبلىسى)

بۇگىن قىلىشتاسۋدان كوماندالىق سايىستار وتەدى. ودان كەيىن سەمسەرلەسۋ باسەكەسىنىڭ ۇزدىكتەرى انىقتالادى.

سپارتاكيادا 15 ساۋىردە اياقتالادى.

جارىسقا قاتىسىپ جاتقانداردىڭ اراسىندا ۇلتتىق قۇرامانىڭ رۋسلان كۋربانوۆ، ەلمير ءالىمجانوۆ، ارتەم ساركيسيان سياقتى ۇزدىكتەرى بار. سپارتاكيادا قورىتىندىسى بويىنشا وليمپيادالىق ىرىكتەۋ تۋرنيرلەرى مەن جازعى ازيا ويىندارى سياقتى حالىقارالىق دودالاردا ەل نامىسىن قورعايتىن ۇلتتىق قۇراما مۇشەلەرى بەلگىلى بولادى.