مارات بەكەتايەۆ الداعى جىلدىڭ جوسپارىن تانىستىردى
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ادىلەت ءمينيسترى مارات بەكەتايەۆ ۇكىمەتتىڭ زاڭ جوبالاۋ جۇمىستارىنىڭ اعىمداعى جىلعى جوسپارىنىڭ ورىندالۋ بارىسى جانە ۇكىمەتتىڭ زاڭ جوبالاۋ جۇمىستارىنىڭ 2022 جىلعا ارنالعان جوسپارىنىڭ جوباسى تۋرالى باياندادى، دەپ حابارلايدى Almaty-akshamy.kz رrimeminister.kz-كە سىلتەمە جاساپ
«ۇكىمەتتىڭ زاڭ جوبالاۋ جۇمىستارىنىڭ ەكى مىڭ جيىرما ءبىرىنشى جىلعا ارنالعان جوسپارى 25 زاڭ جوباسىن ازىرلەۋدى جانە پارلامەنت ماجىلىسىنە ەنگىزۋدى كوزدەيدى. قازىرگى ۋاقىتتا 25 زاڭ جوباسىنىڭ 5-ەۋىنە مەملەكەت باسشىسى قول قويدى، 1-ەۋىن پارلامەنت قابىلدادى، 18ء-ى پارلامەنتتىڭ قاراۋىندا، ءبىر زاڭ جوباسى بۇگىنگى وتىرىستا قاراستىرىلىپ، پارلامەنتكە ەنگىزىلەدى»، - دەدى مينيستر.
جىل بارىسىندا جوسپارعا ۇكىمەتتىڭ 4 قاۋلىسىمەن تۇزەتۋلەر ەنگىزىلدى، 3 زاڭ جوباسى بويىنشا ۇكىمەت پەن پارلامەنتكە ەنگىزۋ مەرزىمدەرى اۋىستىرىلدى.
بۇل قوعامدىق باقىلاۋ، يننوۆاسيالاردى ىنتالاندىرۋ جانە سيفرلاندىرۋدى دامىتۋ ماسەلەلەرى جونىندەگى زاڭ جوبالارى. ءۇش زاڭ جوباسىنىڭ اتاۋلارى وزگەرتىلدى.
جالپى، سوڭعى جىلدارى جوسپاردىڭ ورىندالۋى وڭ سەرپىندى كورسەتىپ وتىر. اعىمداعى جىلى جوسپارعا قوسىمشا زاڭ جوبالارىن ەنگىزۋ بويىنشا تۇزەتۋلەر بولعان جوق. 2021 جىلعا ارنالعان جوسپار تولىقتاي ورىندالدى. ودان سوڭ مارات بەكەتايەۆ 2022 جىلعا ارنالعان جوسپار جوباسى تۋرالى ايتتى.
ادىلەت مينيسترلىگى زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيا مۇشەلەرىمەن 2022 جىلعا ارنالعان جوسپار جوباسىن ازىرلەدى.
باستاپقىدا جوسپار جوباسىندا پارلامەنتكە 31 زاڭ جوباسىن ازىرلەۋ جانە ەنگىزۋ قاراستىرىلعان بولاتىن اعىمداعى جىلعى 10 قاراشادا جوسپار جوباسىن تانىستىرۋ بارىسىندا جوسپارلانعان زاڭ جوبالارىنىڭ نەگىزگى ەرەجەلەرى، سونداي-اق ولاردى ازىرلەۋ نەگىزدەرى باياندالدى.
ۇسىنىلىپ وتىرعان جوسپار جوباسى پرەزيدەنت اكىمشىلىگىنىڭ ەسكەرتۋلەرىمەن پىسىقتالدى. اتاپ ايتقاندا، زاڭ جوبالارىن پارلامەنتكە ەنگىزۋ مەرزىمدەرى قايتا قارالدى، سونداي-اق تۇجىرىمدامالارى ءتيىستى تالقىلاۋدى تالاپ ەتەتىن ءبىرقاتار باستامالار الىنىپ تاستالدى. قالعان بولىگىندە جوسپار جوباسى وزگەرتىلگەن جوق.
«پىسىقتالعان جوسپار جوباسى 26 زاڭ جوباسىن ازىرلەۋدى كوزدەيدى. ءبىرىنشى جارتىجىلدىقتا – 7 زاڭ جوباسىن، ەكىنشى جارتىجىلدىقتا – 19 زاڭ جوباسىن»، - دەپ قورىتىندىلادى ادىلەت ءمينيسترى.