جاۋىن-شاشىننىڭ مول ءتۇسۋى سالدارىنان كەرەي-جانىبەك حاندار كوشەسى بويىندا سازدى لاي كوشكىنى ورىن الىپ، اسفالتتىڭ ءبىر بولىگىنىڭ ىستەن شىعۋىنا جانە كارىز جەلىلەرىنىڭ بىتەلۋىنە اكەپ سوقتىردى.
قازىرگى ۋاقىتتا كوممۋنالدىق قىزمەتتەر بۇرۋدى سازدى لايدى سورىپ الىپ، مۇنداعى جۇمىستاردى رەتكە كەلتىرۋدە. اۋا-رايى جاقسارعان سوڭ جول جابىنى قايتا توسەلەدى.
تەكسەرۋ بارىسىندا سازدى لايدىڭ جىلجىۋى تاۋ بوكتەرى ءبىر بولىگىنىڭ ويىلۋى جانە «مۇزتاۋ» شاعىن اۋدانىندا سالىنعان قۇرىلىستاردىڭ سالدارىنان بولعاندىعى انىقتالدى. تاۋلى قىرات ەلدى مەكەنىندەگى 2768 ۋچاسكەدە قۇرىلىس سالۋ كەزىندە ەكوجۇيە بۇزىلعاندىعى انىقتالدى-مەنشىك يەسى (جەكە تۇلعا) تاۋ بوكتەرىنىڭ ءبىر بولىگىن ءوز بەتىنشە ويىپ الىپ، جىرانى جاۋىپ تاستاعان. سونىڭ سالدارىنان سۋدىڭ تابيعي اعىنى جابىلىپ، قاتتى جاۋىن-شاشىن كەزىندە جاساندى توپىراقتا جارىقشاق پايدا بولعان.
ونىڭ ۇستىنە مەنشىك يەسى شارۋا قوجالىعىن جۇرگىزۋ ءۇشىن نىسانالى ماقساتى بار جەر ۋچاسكەسىندە رۇقسات قۇجاتتارى جوق قۇرىلىس جۇمىستارىن باستاعان.
قازىرگى ۋاقىتتا نىسانداعى قۇرىلىس-مونتاج جۇمىستارى توقتاتىلدى.
الماتى قالاسىنىڭ قالا قۇرىلىسىن باقىلاۋ باسقارماسى مەنشىك يەسىنە قاتىستى جوسپاردان تىس تەكسەرۋگە باستاماشىلىق جاساۋدا، ونىڭ ناتيجەلەرى بويىنشا جەر ۋچاسكەسىن باستاپقى قالپىنا كەلتىرۋ ءۇشىن جىبەرىلگەن بۇزۋشىلىقتاردى جويۋعا نۇسقاما بەرە وتىرىپ، ق ر اقبتك-نىڭ 316-بابى 1-بولىگى بويىنشا اكىمشىلىك شارالار قابىلدايتىن بولادى.
جالپى، اۋدان بويىنشا اۋا رايى بولجامىنا بايلانىستى كوممۋنالدىق قىزمەتتەردىڭ جۇمىسى الدىن الا كۇشەيتىلىپ، كەزەكشىلىك ۇيىمداستىرىلدى. سۋ باسۋ ءقاۋپى بار ايماقتارداعى ۋچاسكەلەر الماتى اكىمدىگىنىڭ باقىلاۋىندا.