«قوقىستى كوفە/سنەككە ايىرباستا»: اكسيانىڭ ءبىرىنشى كۇنىندە الماتىلىقتار 197 كەلى قايتا وڭدەلەتىن شيكىزات تاپسىرىپ، 128 ازىق-تۇلىك كۋپونىن الدى
قالادا باستالعان «الماتى — ءبىزدىڭ ورتاق ءۇيىمىز» ناۋقانى اياسىندا 15 ساۋىردە «قوقىستى كوفە/سنەككە ايىرباستا» اكسياسى باستالدى. ول 2024 جىلدىڭ 8 مامىرىنا دەيىن جالعاسادى. اكسيا قالدىق ماسەلەسىنە كوڭىل اۋدارىپ، قايتا وڭدەۋدىڭ ماڭىزدىلىعى تۋرالى حاباردار بولۋعا باعىتتالعان.
قالا قوناقتارى مەن تۇرعىندارى اكسياعا بەلسەندى قاتىسۋدا. قاتىسۋشىلار قايتا وڭدەۋگە قايتالاما شيكىزات تاپسىرىپ، ونىڭ ورنىنا ازىق-تۇلىككە سىيلىق كۋپونىن الىپ جاتىر.
«قوقىستى كوفە/سنەككە ايىرباستا» قالالىق اكسياسىنىڭ ءبىرىنشى كۇنى قالا تۇرعىندارى قايتا وڭدەۋگە ارنالعان 197 كەلى ماتەريالدى (45 كەلى پلاستيك، 31 كەلى اليۋمينيي، 70 كەلى ماكۋلاتۋرا، 51 كەلى شىنى) قابىلداۋ پۋنكتتەرىنە تاپسىردى. ايىرباستاۋ ءۇشىن ولارعا كوفە/بۋرگەر/دونەر/پيسسا ايىرباستاۋ ءۇشىن 128 كۋپون بەرىلدى. اكسيا جالعاسۋدا.
ءىس-شاراعا الماتى قالاسىنىڭ بارلىق تۇرعىندارى مەن قوناقتارى قاتىسا الادى. قاتىسۋشىلارعا ماكۋلاتۋرا، پلاستيكالىق بوتەلكەلەر، اليۋمينيي بانكا، شىنى بوتەلكەلەردى قوسقاندا قايتا وڭدەۋ ءۇشىن بەلگىلى ءبىر مولشەردە قايتا وڭدەۋگە ارنالعان شيكىزاتتى ءوز بەتىنشە جيناۋ ۇسىنىلادى.
جينالعان ماتەريالدار قايتالاما شيكىزاتتى قابىلداۋ پۋنكتىنە كەلەسى مەكەن-جاي بويىنشا تاپسىرىلادى:
قابىلداۋ پۋنكتتەرى:
1.الاتاۋ اۋدانى، Ecosen، نۇركەنت ىقش.، 7/1
2.المالى اۋدانى، Ecosen، بايزاقوۆ كوش.، 73/1
3.اۋەزوۆ اۋدانى، Kazakhstan Waste Recycling، 8-ىقشاماۋدان، 58ا
4.اۋەزوۆ اۋدانى، Kazakhstan Waste Recycling، اقساي-3، ىقش.،1ا/1
5.بوستاندىق اۋدانى، Kazakhstan Waste Recycling، تيميريازيەۆ، 81/3 كيوسك
6.بوستاندىق اۋدانى، Ecosen، روزىباكييەۆ، 247/3
7.مەدەۋ اۋدانى، Kazakhstan Waste Recycling، سامال-1 ىقش.، 32 كيوسك
8.مەدەۋ اۋدانى، «Hello Eco» ەكو-تاۋار دۇكەنى، سامال-2 ىقش.، 56ا ءۇي
9.جەتىسۋ اۋدانى، قازىبايەۆ، 264ا (كارينا Trading)
10.ناۋرىزباي اۋدانى، رايىمبەك، 548/2
11.تۇركسىب اۋدانى، جاس قانات، 1/28
ءار ماتەريال ءۇشىن كۋپون تۇرىندە 5 تۇرگە ايىرباستاۋ ۇسىنىلادى: پيسسا، بۋرگەر، كافە، دونەر مەن دودستەر كۋپوندارى.
بەرىلگەن ءاربىر كۋپوننىڭ وسى ناۋقانعا قاتىساتىن تاماقتانۋ ورىندارىنىڭ مەكەن-جايى بار ءوزىنىڭ بىرەگەي پروموكودى بولادى.
قاتىسۋشىلار قايتا وڭدەلەتىن زاتتاردى كەلەسى شارت بويىنشا كۋپونعا ايىرباستاي الادى.
- 2 كەلى ماكۋلاتۋرانى (قاعاز، كارتون) كوفە كۋپونىنا؛
- 1 كەلى پلاستيك بوتەلكەنى (پەت-بوتەلكە) بۋرگەر كۋپونىنا؛
- 1 كەلى اليۋمينيي بانكانى دونەر نەمەسە دودستەرا كۋپونىنا؛
- 3 كەلى ءتۇسسىز شىنى (ءتۇسسىز) بوتەلكەنى پيسسا كۋپونىنا.
كۋپونداردىڭ جارامدىلىق مەرزىمى — 2024 جىلدىڭ 8 مامىرىنا دەيىن.
اكسيانىڭ سەرىكتەستەرى كومپانيالارى — Salam Bro، Dodo Pizza، Gippo، Degirmen.