الاتاۋ اۋدانىندا ساۋنا ورتەندى، دەپ حابارلايدى almaty-akshamy.kz
ءورتتىڭ ۆيدەوسى الەۋمەتتىك جەلىدە پايدا بولدى. الماتى قالالىق توتەنشە جاعدايلار دەپارتامەنتىنىڭ حابارلاۋىنشا، 28 قازان كۇنى كەشكى ساعات 20:02 مينۋتتا ءورت سوندىرۋشىلەر الاتاۋ اۋدانى، سۋحامبايەۆ كوشەسى 21 مەكەن-جايى بويىنشا جوعارى دارەجەگە شاقىرتۋ بويىنشا اتتاندى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ءورت ءسوندىرۋ بريگاداسى وقيعا ورنىنا 5 مينۋتتا جەتتى. ەكى قاباتتى كەشەننىڭ توبەسىندە ورنالاسقان ساۋنا ورتەنىپ جاتتى. ءتىلىسىز جاۋدىڭ جاپسارلاس عيماراتقا تارالۋ ءقاۋپى تۋىندادى. دەرەۋ ءورتتى ءسوندىرۋ جانە قورعاۋ ءۇشىن ءورت وقپاندارى ەنگىزىلدى، شتاب قۇرىلىپ، ەكى ورتكە قارسى جاۋىنگەرلىك ۋچاسكە قۇرىلدى. گاز-تۇتىننەن قورعاۋ قىزمەتىنىڭ ماماندارى ادامداردىڭ بار-جوعىنا بارلاۋ جۇمىستارىن جۇرگىزدى»، - دەپ حابارلادى ۆەدومستۆودان.
ءورت ءبىر ساعات ىشىندە ساعات 20:46-دا تولىق ءسوندىرىلدى. قابىلدانعان شارالاردىڭ ارقاسىندا كەشەننىڭ ءبىرىنشى جانە ەكىنشى قاباتى (ساۋدا ورىندارى، دەنە شىنىقتىرۋ زالى) ورتتەن امان قالدى.