«قازگيدرومەت» رمك-سى 29 قازانداعى كۇن رايى بولجامىن جاريالادى، دەپ حابارلايدى almaty-akshamy.kz
كاسىپورىننىڭ بولجامىنا قاراعاندا، فرونتالدى بولىكتەردىڭ اسەرىنە بايلانىستى رەسپۋبليكانىڭ باسىم بولىگىندە جاۋىن-شاشىن (جاڭبىر، قار)، شىعىس جانە وڭتۇستىكتىڭ تاۋلى اۋداندارىندا نوسەر جاۋىن (جاڭبىر، قار) جاۋادى، تەك ەلىمىزدىڭ ورتالىعىندا جوعارى قىسىمعا بايلانىستى كۇن جاۋىن-شاشىنسىز بولادى.
ەلدىڭ وڭتۇستىك-شىعىسىندا، وڭتۇستىگىندە، باتىسىندا، سولتۇستىگىندە، سولتۇستىك-باتىسىندا، ورتالىعىندا – تۇمان، سولتۇستىگىندە – كوكتايعاق، جاياۋ بۇرقاسىن، سولتۇستىگىندە، سولتۇستىك-باتىسىندا، شىعىسىندا، وڭتۇستىك-شىعىسىندا – جەل كۇشەيۋى ىقتيمال.
سولتۇستىك قازاقستان وبلىسىندا جەلدىڭ جىلدامدىعى سەكۋندىنا 15-20 مەترگە جەتەدى، كۇندىز 25 م/س بولادى. كۇندىز قازاقستاننىڭ سولتۇستىگىندە، باتىسىندا كوكتايعاق، جاياۋ بۇرقاسىن بولادى.
اقمولا وبلىسىنىڭ شىعىسىندا، سولتۇستىگىندە جەل 15-20 م/س بولادى، كۇندىز وبلىستىڭ سولتۇستىگىندە – كوكتايعاق كۇتىلەدى.
پاۆلودار وبلىسىنىڭ سولتۇستىك-باتىسىندا جەل 15-20 م/س جىلدامدىقپەن سوعادى. قوستاناي وبلىسىنىڭ سولتۇستىگىندە، سولتۇستىك-شىعىسىندا جەل 15-20 م/س جىلدامدىقپەن ەسەدى، تاڭەرتەڭ جانە كۇندىز تۇمان ءتۇسۋى ىقتيمال.
جامبىل وبلىسىنىڭ تاۋلى اۋداندارىندا جەلدىڭ جىلدامدىعى سەكۋندىنا 15-20 مەترگە جەتەدى. تۇندە جانە تاڭەرتەڭ تۇمان تۇسەدى.
تۇركىستان وبلىسىنىڭ تاۋلى اۋداندارىندا دا تۇمان تۇسەدى.
باتىس قازاقستان وبلىسىنىڭ تۇندە جانە تاڭەرتەڭ باتىسىندا، سولتۇستىگىندە، اتىراۋ وبلىسىنىڭ وڭتۇستىك-باتىسىندا تۇمان بولادى.
قاراعاندى وبلىسىنىڭ ورتالىعىندا جانە شىعىسىندا، تۇندە شىعىس قازاقستان وبلىسىنىڭ سولتۇستىك اۋماعىندا تۇمان كۇتىلەدى.