ەڭبەك ۆيسە-مينيسترى قاشىقتان جۇمىس ىستەۋدىڭ تارتىپتەرى تۋرالى ايتتى
ق ر ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ءاقمادي سارباسوۆ تمد ەلدەرىنىڭ كونسۋلتاتيۆتىك كەڭەسىنىڭ وتىرىسىندا قاشىقتان جۇمىس ىستەۋدى رەتتەۋ تارتىپتەرى تۋرالى ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
ءاقمادي سارباسوۆ جۇمىس بەرۋشىلەر مەن كادر قىزمەتىنىڭ، ونىڭ ىشىندە مەملەكەتتىك ورگانداردىڭ وكىلدەرى قىزمەتكەرلەردىڭ قاشىقتان جۇمىس ىستەۋ فورماتىنا ءماجبۇرلى اۋىسۋىنا بايلانىستى، اسىرەسە، ەڭبەك زاڭناماسىنىڭ جەتىلدىرىلمەۋى بويىنشا كەزدەسكەن ءبىرقاتار قيىندىقتار تۋرالى ايتىپ بەردى.
«ق ر ەڭبەك كودەكسىنە بيىل قاشىقتان جۇمىس ىستەۋگە بايلانىستى ەڭبەك قاتىناستارىن رەتتەۋ ماسەلەلەرى بويىنشا تۇزەتۋلەر قابىلداندى. سونىمەن، قاشىقتان جۇمىس ىستەۋدىڭ جاڭا رەجيمدەرى پايدا بولدى، ولار تاراپتاردىڭ كەلىسىمى بويىنشا تۇراقتى، ۋاقىتشا نەمەسە ارالاس بولىپ ورناتىلادى. بۇدان باسقا، جۇمىس بەرۋشى جۇمىستىڭ ورىندالۋىن ناقتى ۋاقىتپەن تىركەي المايتىن جاعدايلاردا جۇمىس ۋاقىتىن ەسەپكە الۋ بويىنشا، سونداي-اق قىزمەتكەر جۇمىس بەرۋشىمەن ءوزارا ءىس-قيمىل جاساۋ ءۇشىن بايلانىستا بولۋعا ءتيىس ۋاقىتتى ەڭبەك شارتىندا ەسەپكە الۋ بويىنشا ق ر ەڭبەك كودەكسىنىڭ نورمالارى ناقتىلاندى. قىزمەتتىك مىندەتتەرىن جۇزەگە اسىراتىن، ەڭبەگى ارنايى زاڭدارمەن رەتتەلەتىن قىزمەتكەرلەر ءۇشىن قاشىقتان جۇمىس ىستەۋ ءتارتىبى مەن مەرزىمدەرىن رەتتەۋگە قاتىستى نورمالار كوزدەلگەن»، – دەدى ءاقمادي سارباسوۆ.
ۆيسە-مينيستر جۇمىس بەرۋشىمەن قاشىقتان جۇمىس ىستەۋ فورماتىنا قاراماستان، ەڭبەك زاڭناماسىنىڭ تالاپتارىن قامتاماسىز ەتۋ، ونىڭ ىشىندە قىزمەتكەردىڭ ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا جاۋاپكەرشىلىگى الىنبايتىنىن اتاپ ءوتتى.
«سونىمەن قاتار، ءقاۋىپسىز ەڭبەك جاعدايلارى سالاسىنداعى سوڭعى وزگەرىستەر اياسىندا قاشىقتان جۇمىس ىستەيتىن قىزمەتكەرلەردىڭ ەڭبەك قاۋىپسىزدىگى جانە ەڭبەكتى قورعاۋ، سونداي-اق ەڭبەك مىندەتتەرىن ءقاۋىپسىز ورىنداۋدى قامتاماسىز ەتۋ جونىندەگى تالاپتاردى ساقتاۋى ءتارتىبى جۇمىس بەرۋشىنىڭ اكتىسىندە ايقىندالادى. بۇدان باسقا، جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا مىندەتتەرى مىندەتتى جانە تاراپتاردىڭ كەلىسىمى بويىنشا جۇمىس ەرەكشەلىگىن ەسكەرە وتىرىپ شەشىلەتىن مىندەتتەر دەپ بولىنگەن»، – دەدى ول.