الماتىدا ساۋدا ورتالىعىنىڭ ساتۋشىلارىن توناپ جۇرگەن ادام ۇستالدى

كۇدىكتى بۇرىن دا وسىعان ۇقساس قىلمىستارى ءۇشىن بىرنەشە رەت سوتتى بولعان.

مەدەۋ اۋدانىنىڭ پوليسيا قىزمەتكەرلەرى ساۋدا ورتالىعىندا ساۋدا ورتالىعىنىڭ ساتۋشىلارىن توناپ جۇرگەن 52 جاستاعى ەر ادامدى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«دالىرەك ايتساق، كۇدىكتى ءىرى ويىن-ساۋىق ورتالىقتارىندا ورنالاسقان دۇكەندەردى تاڭداعان. ساتۋشىلارى كەلۋشىلەرگە قىزمەت كورسەتۋمەن قولدارى بوساماي جاتقان بۋتيكتەرگە ماقساتتى تۇردە كىرىپ جۇرگەن. ونىڭ ارەكەتىن ەشكىم باقىلاپ وتىرماعانىنا سەنىمدى بولعان قاسكوي ساتۋشىلاردىڭ ۇيالى تەلەفوندارىن نەمەسە باسقا دا قۇندى زاتتارىن ۇرلاپ وتىرعان. تەرگەۋ ارەكەتتەرى بارىسىندا اتالعان ادامنىڭ ەكى ۇرلىق ەپيزودىن جاساۋعا قاتىسى بار ەكەندىگى انىقتالدى. كۇدىكتى بۇرىن دا وسىعان ۇقساس قىلمىستارى ءۇشىن بىرنەشە رەت سوتتى بولعان»، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.

قازىرگى ۋاقىتتا ش. ەسىمدى ازاماتتىڭ الماتى قالاسىندا بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالۋدا.

«وسى ادامنىڭ قىلمىستىق ارەكەتىنەن زارداپ شەككەن ازاماتتاردى مىنا تەلەفون نومىرلەرى ارقىلى حابارلاسۋلارىڭىزدى سۇرايمىز: 254-48-02؛ 254-48-10؛ 8-702-476-6660»، — دەدى وتەبايەۆ.