ەلىمىزدە 15-23 اقپان ارالىعىندا ساۋدا نىساندارىندا ءورت قاۋىپسىزدىگىن ساقتاۋ بويىنشا رەسپۋبليكالىق اكسيا وتكىزىلدى.
الماتى قالاسى توتەنشە جاعدايلار دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە اكسيانىڭ قورىتىندىسىن شىعاردى، دەپ حابارلايدى Almaty-akshamy.kz.
اكسيا اياسىندا مەگاپوليستە 120-دان استام پروفيلاكتيكالىق رەيد جۇرگىزىلدى. ساۋدا وبەكتىلەرىن جالعا الۋشىلارعا 2000 ادامدى قامتي وتىرىپ، ءورت قاۋىپسىزدىگى تالاپتارى ءتۇسىندىرىلدى، 2800-گە جۋىق جادىناما تاراتىلدى.
دەپارتامەنتتىڭ ەسەبىندە بارلىعى 215 ساۋدا نىسانى بار، ونىڭ ىشىندە 174ء-ى سوسو، 40-ى بازار، 1ء-ۋى جاپسارلاس ساۋدا نىسانى. وتكەن جىلى 37 نىساندا تەكسەرۋ جۇرگىزىلىپ، ناتيجەسىندە ءورت قاۋىپسىزدىگى تالاپتارىنىڭ 700 بۇزۋشىلىعى انىقتالدى.
«نۇسقامالاردى ورىنداماعانى ءۇشىن مامانداندىرىلعان اۋدانارالىق اكىمشىلىك سوتقا ق ر اقتك 462 - بابىنىڭ 3-بولىگى بويىنشا ءبىر ماتەريال جىبەرىلدى، قىزمەتىن توقتاتۋسىز 690 مىڭ تەڭگە سوماعا ايىپپۇل تۇرىندە اكىمشىلىك جاۋاپكەرشىلىككە تارتىلدى»، - دەدى الماتى قالاسى توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسى باسشىسىنىڭ ورىنباسارى ەركەبۇلان جۇماتايەۆ.
سونىمەن قاتار، «كەنجەحان» جانە «سالەم» بازارلارىنا جوسپاردان تىس تەكسەرۋلەر جۇرگىزىلدى، ولاردىڭ ناتيجەلەرى بويىنشا 30 بۇزۋشىلىق انىقتالدى. جىبەرىلگەن قۇقىق بۇزۋشىلىقتار ءۇشىن بيزنەس يەلەرى ەسكەرتۋ الدى.
قالعان 174 ساۋدا نىسانى موراتوريي مەن جاڭا رەتتەۋشى ساياساتقا بايلانىستى تەكسەرىلمەگەن.
تجد حابارلاۋىنشا، وتكەن جىلى ساۋدا نىساندارىندا 24 ءورت تىركەلگەن، زارداپ شەككەندەر مەن قۇرباندار جوق.
جۋرناليستەردىڭ سۇراقتارىنا جاۋاپ بەرە وتىرىپ، ە. جۇماتايەۆ بيزنەسمەندەردىڭ ورتكە قارسى قاۋىپسىزدىك نورمالارىن بۇزىلۋىنا ءجيى جول بەرەتىنىن ايتتى.
«نەگىزىنەن، بىزدە اۆتوماتتى ءورت دابىلىنىڭ دۇرىس جۇمىس ىستەمەۋى، ولاردىڭ بولماۋى، ەۆاكۋاسيا جولدارىندا جانعىش ماتەريالداردى، قالدىقتاردى، قاپتامالاردى ساقتاۋ، سونداي-اق العاشقى ءورت ءسوندىرۋ قۇرالدارىنىڭ بولماۋى سياقتى بۇزۋشىلىقتارعا جول بەرىلەدى. ءبىراق بۇل «ءقاۋىپسىز ساۋدا» اكسياسى ساۋدا سۋبەكتىلەرىنە ءورت قاۋىپسىزدىگىنىڭ قاراپايىم ەرەجەلەرىن اكىمشىلىك اسەرىنسىز ءتۇسىندىرۋ ءۇشىن تەك پروفيلاكتيكالىق سيپاتتا بولادى»، - دەپ جاۋاپ بەردى ول.
سونداي-اق، مامان ءورت بولعان جاعدايدا ساۋدا ورتالىقتارىنا كەلۋشىلەرگە قالاي ارەكەت ەتۋ كەرەكتىگى تۋرالى كەڭەس بەردى.
«ءورت بولعان جاعدايدا ۇرەيگە بوي الدىرماۋ كەرەك جانە ەۆاكۋاسيالاۋ نۇسقاۋلارى مەن جوسپارلارىنا سايكەس ارەكەت ەتۋ كەرەك. بىرىنشىدەن، ءورت تۋرالى ءورت ءسوندىرۋ بولىمىنە حابارلاۋ، سونداي-اق عيمارات اكىمشىلىگىنە، ادامدارعا حابارلاۋ. ءارى قاراي ءقاۋىپتى ايماقتان شىعىپ، ءورت ءسوندىرۋ بولىمشەلەرىن كۇتۋ كەرەك»، - دەدى ە.جۇماتايەۆ.
الماتى قالاسى توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسىنىڭ باس مامانى دارىن مۇقانوۆ اتاپ وتكەندەي، ساۋدا نىساندارىنداعى ورتتەردىڭ نەگىزگى سەبەبى ەلەكتر سىمدارىنىڭ قىسقا تۇيىقتالۋى بولىپ جاتادى.
سوڭىندا ماماندار تۇرعىنداردى ءورت قاۋىپسىزدىگى ەرەجەلەرىنىڭ تالاپتارىن ساقتاۋعا شاقىردى جانە بيزنەس يەلەرىنە وزدەرىن ىقتيمال ورتتەردەن قالاي قورعاۋ كەرەكتىگى تۋرالى ۇسىنىستارمەن ءبولىستى:
- ەۆاكۋاسيالىق جولدارعا تولتىرىپ تاستاماۋ (بوگەمەۋ)؛
- ءورت دابىلى جۇيەسىنىڭ جۇمىس جاعدايىن باقىلاپ وتىرۋ؛
- ءورت قاۋىپسىزدىگىن قامتاماسىز ەتۋگە جاۋاپتى تۇلعالاردى تاعايىنداۋ؛
- ءورت گيدرانتتارى مەن ءورت كراندارىندا سۋدىڭ جوعارى قىسىمىن قامتاماسىز ەتۋ.