جاياۋ جۇرگىنشىلەردىڭ قاتىسۋىمەن بولاتىن جكو-نىڭ الدىن الۋ جۇمىستارى جۇرگىزىلىپ جاتىر، دەپ حابارلايدى Almaty-akshamy.kz.
«پاترۋلدىك پوليسياعا ءبىرقاتار نەگىزگى باسىمدىقتى جانە ۇزاق مەرزىمدى مىندەتتەر جۇكتەلدى. وسى باعىتتاردىڭ ءبىرى – قالادا جول اپاتىن بولدىرماۋ، جول قاۋىپسىزدىگىن قامتاماسىز ەتۋ. وسى ماقساتتپ كولىك جۇرگىزۋشىلەرى مەن جاياۋ جۇرگىنشىلەر اراسىندا جول قوزعالىسى ەرەجەلەرىن بۇزۋ دەرەكتەرىن انىقتاۋ جانە جولىن كەسۋ شارالارىن تۇراقتى تۇردە جۇزەگە اسىرۋ. جول-كولىك وقيعاسى دەڭگەيىنە تىكەلەي اسەر ەتەتىن ىس-ارەكەتتەگى ۆەكتورلىق باعىتتاردى تاڭداۋ قالا جولدارىنداعى جاعدايدى دالىرەك باقىلاۋعا مۇمكىندىك بەرەدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
بايانداماشىنىڭ ايتۋىنشا، پاترۋلدىك پوليسيا ينسپەكتورلارى، جاياۋ جۇرگىنشىلەرگە باسىمدىق بەرمەي، جاياۋ جۇرگىنشىلەردىڭ وتكەلدەرىنەن ءوتۋ ەرەجەلەرىن بۇزاتىن جانە تۇراق پەن توقتاۋ ەرەجەلەرىن بۇزعان كولىك جۇرگىزۋشىلەرىنە، سونداي-اق بەلگىلەنبەگەن جەرلەردەن جولدىڭ ءجۇرۋ بولىگىن كەسىپ وتەتىن جاياۋ جۇرگىنشىلەرگە باسا نازار اۋدارادى. ايتا كەتەيىك، پاترۋلدىك پوليسيا قىزمەتكەرلەرى كەزەكتى رەيدتى قالالىق كوتەرمە بازار ماڭىندا جۇرگىزدى. ءىس-شارانىڭ العاشقى ساعاتتارىندا 30-دان استام جول قوزعالىسى ەرەجەسىن بۇزۋ دەرەگى انىقتالدى.
«ءبىز جول قوزعالىسىنا قاتىسۋشىلاردى، سونىڭ ىشىندە جاياۋ جۇرگىنشىلەردى جول قوزعالىسى ەرەجەلەرىن قاتاڭ ساقتاۋعا شاقىرامىز. جاياۋ جۇرگىنشىلەردىڭ ىڭعايلى جانە ءقاۋىپسىز ءجۇرۋى ءۇشىن جاسالعان بارلىق جاعدايدى ەستە ساقتاۋ قاجەت. ءار ادام، جقە ەلەمەۋ جول قوزعالىسىنا قاتىسۋشىلاردىڭ ءومىرى مەن دەنساۋلىعىنا ءقاۋىپ توندىرەتىنىن ەستە ۇستاۋى كەرەك»، – دەدى س.شۋمايەۆ.